話咁快就過咗境，於小休站稍作停頓及兌換些〝克郎〞(€1=25.1Kc)後，便繼續車程。
今天將會到達捷克的【古姆洛夫】，並會入住該城堡區內的酒店。此城區已於1992年被定為世界文化遺產，受到保護，不能加建或拆毁任何建築。
進入下城區內，沿路見到嘅建築都係兩、三層高左右，大部份都以波希米亞的風格設計，所見的景物都有著濃濃的古舊味道，好像時光倒流一樣。城內亦有很多一幢幢的〝Penison〞(或稱民宿的旅館)，方便旅遊人仕留宿，其實除了遊人之外，亦有當地居民，早上出城返工，至晚上才回來。
在一間仿古的餐廳內午餐。
主菜係食燒豬扒，即燒即食，新鮮。
甜品是吉士撻(ok啦)及西莓撻(好酸呀)各一個。
接著走到瞭望台花園，俯覽全城風景。
登上舊城堡壘，簡直係一所小皇宮，並設有舞台，可接待嘉賓欣賞舞台劇，更有先進可更換佈景的滑輪裝置。
宴會廳設在廚房的盡頭，廚師只需通過一條空中走廊，就可把熱辣辣的美食即時傳送到宴會廳。
城堡花園的牆上，有一個古時日規，以夏令時間來計算的，非常準噃！
我哋間酒店都靚唔靚o架？粉黃色的外牆，三層高，每間房的風景及座向地不同，有些向天井，有些向大街、小巷、我哋呢就向著兩幢棄置咗的房屋。大堂有一部可上網的電腦，可以借用，不收費的。
……待續
小妹：
回覆刪除我當日亦是在這傳统餐廳用饍，又是吃煎豬扒，甜品好像是蘋果批，餐廳二樓是小小博物館，展出昔日的單車及電單車等小型交通工具，都幾有趣味的；當日我都是住在同一酒店，內裡是最近才裝修過很新淨，每間房都是不同形狀的(領隊：事先聲明不要投訴)，我參觀了所有團友的十多同房，最有特式是住頂樓的，房間是有天窗晚上可以看星的，浪漫死了！看妳的網誌又可回味當日的感覺了。
Diy
[版主回覆10/29/2007 23:07:00]我估呢間酒店應該係最好o架喇！我哋無團友住到呢間有天窗嘅房。真可惜！
我又無留意有樓上噃，因為响個窿度食得好熱，只想快D食完出嚟。
去一個point又要換錢~真係有d煩
回覆刪除不過依個地方既屋真係好靚好特別
[版主回覆10/29/2007 23:17:00]其實只係响匈牙利、克羅地亞及捷克入境後才兌換€10、20散紙嚟旁身，起碼去廁所都有錢俾先，洗晒就走得。
都唔夠我第一次去西歐時煩，先要喺香港換足五國貨幣袋住去，轉國家時，就要轉貨幣，攪到剩低好多硬幣添！
小妹網友,你的行程和我的真的不一樣,你是否跟勝x遊呢?佢個團係15天wor,點解你個團係10天呢
回覆刪除[版主回覆11/04/2007 22:37:00]我跟Jetxxxx; 係14日團，不過因為我懶，到而家仲未post晒所有資料啫！其實還欠德國些少咋！