正月出遊

突如其來的旅程……事緣妹子和弟弟都有假期，難得三姐弟可以一起出遊……

但新正頭團費絕不平宜，終於左揀右揀，計左算右，終於參加了永記旅遊，在 20 號坐零晨機出發往韓國去……

稍後便要出發往機場，預算當地氣溫大約 -7 至 5 度左右，大致天晴、間中密雲及有一天會下雨……

   

禦寒裝備不敢少帶，暖包、羽絨、手套一大堆……

雖然韓國已到過不只一次，今次行程亦大同小異，不過也有些不同處……

例如：
入住忠州湖景半山瑞士式渡假村~~唔知有幾靚呢？！

安東河回村~~世界文化遺產嘅舊村莊，連英女皇都去過…咁我地梗係要去睇睇啦！

體驗造韓紙~~唔駛整泡菜……好好多！

免費享受韓式傳統溫泉及汗蒸幕……冬天最啱！

還有什麼Bibap Show 睇……

            

仲可以去滑雪場，不過唔包器材……

                                                 

好喇，唔講住……返嚟見喇……

人日~~大家生日快樂

大年初七，亦是人日~~即人人都生日！

今天重頭節目是往契仔媽屋企拜年……附加往西九龍大戲棚走一轉！

映入眼簾，是在空中飄揚的旗幟……

還有小時候常見的大花牌……

好奇怪……為什麼場內這麼多寫生的大朋友、小朋友呢？！
但個個都好有水準，非塗鴉之作……

場內設有一條商店街，有出售懷舊食品、物品的，也有出售自家創作的物種……

場內人氣旺盛，棚內正在唱戲……還分日場和夜場呢！

用竹棚作外牆的介紹所……

內裡介紹了將來戲曲中心的模型及理念

離開西九戲曲場地後，便到契仔媽屋企拜年、兼晚飯……是日魚、蝦、蟹、蜆齊備

多謝契仔嗲大展身手，兼買兼煮……美味但三高的膏蟹！
放心我只看不吃的……

看契仔的食相……

除了逗了利是外……還有收到契仔媽從馬拉買回來的手信……多謝晒！


~~~~~~~~~~ 完 ~~~~~~~~~~

年初四

打從年廿六開始起病……每天都中、西合壁，至連初二始原氣漸長……

年初四~~乃舊曆生日，所以該好好活動一下……

沙田車公廟，一個重未踏足之地方，所以與妹子前去看看，沾沾旺氣，望今年身體健康，事事順境，平安大吉！

廟外不見人潮，但廟內卻人頭湧湧……

~~~~~~~~~~ 完 ~~~~~~~~~~