Dear all, 
2008年12月26日 星期五
Boxing Day
Boxing Day Gathering，中午時份到妹子家準備，先製作凍蟹事件……
把剛蒸熟嘅花蟹拿出來攤凍……留待今晚進食。
大伙兒各有各活動，打麻雀的去打麻雀……打乒乓波的去打打乒乓波……打枱波的去打枱波……
三點三，又係食Tea時間，一杯綠茶+新鮮出爐波蘿飽，好味道！
休閒時段，我就收看高清台嘅旅遊節目：『冒險王』→由台灣男演員=明道，親自到訪印尼山區部落……
『四季洞爺湖』→四季景色靚絕……
『海洋感應』→介紹宿霧海底生態環境，唔駛潛水都睇到靚靚水底世界……
不經不覺又到開餐時候……由於人數太多，所以分開左右兩個爐，一邊是芫茜拼鮮茄鴛鴦湯底、一邊是清湯蘿蔔湯底、食物亦分開兩份……
仲有專程入西貢買番嚟嘅三星蟹、花蟹、海蝦、及食完都唔記得影底嘅BB象拔蚌、魷魚及鮮帶子呢！
各人努力地在吃、吃、吃！最後仲加多兩個麵添，眾人在收拾殘局時，小休了一會，然後再接再勵吃生果、雪糕、及朱古力……
我在吃過了士多啤利、朱古力以後，再也沒辦法吃下美味的雪糕，非富晚餐去到最後，大家都吃到不能再吃了……
是晚，最重要嘅項目當然係交換禮物啦！我抽到一盒日本嘅燒菓子，它的內函並不重要，因為我對個鐵盒情有獨鍾呢！
2008年12月25日 星期四
好一個平安夜！
日間時段，往大埔走了一趟，目的是探望一對智慧老人，我跟他們相識是機緣，但他們相識始於微時，一起考進大學，經歷戰火洗禮，逃離家園，走到人地生疏的國度從頭開始，但他們却在香港展開了人生的新階段。
他們有著共同的嗜好及事業，處於半退休狀態，閒時相約老朋友、老同學聚聚、或花上十天、半月往名山大川去 (他們戲言謂：大家都行將就木，見得一次得一次，去得一次得一次)、每星期亦會花上兩、三個晚上齊齊去跳社交舞、飼養熱帶魚 (每次見到魚在水中游，總覺得牠們悠然自得)……生活安穩及豐盛。
現在唯一令兩老遺憾的……就是獨子長留美國，工作關係未能每年返港。反觀兩老視每年花廿多小時往東岸探望兒子為重要事情，雖然長途跋涉，但都無礙他們心情，今年，他們終於聽取兒子的勸告，留在香港。
不要以為老人家與科技接不上，家中安裝了電腦並接駁上Web-Cam，是其兒子為他們配置的，他們就是這樣跟兒子談天、會面以慰寂聊，實則上是這麼近那麼遠的感覺！
在個多小時的傾談中，全是輕鬆、自然、及愉快的……煩惱好像總被隔離於其家門外。雖是左一句搭右一句話，但他們總來得合拍非常、當中的默契是經多年沉積下來，說得興起時，還可窺見老人家眼中閃出的光芒，當遇上一、兩句氣結話時，最後總是男的投降讓步，或女的扮生氣不理睬他……好一對活寶貝呢！
交談中，他們還誠邀我一同參加逢星期四的社交舞班，我說沒有Partner，他們就說有女孩子學習男步，我學女步的跟她們就成了……其實我自幼便陶醉於在華麗衣飾襯托下踏著華爾茲、或慢三舞步的人兒，雖有點心動，但我仍要看看從公司到大埔中心的交通安排……
臨離開前，老人家仍不忘叮囑，要作息定時、早睡養身、飲食以清淡為主、不饞嘴、不妄想，就讓人生如流水般過渡……
今夜……沒有喧嘩、沒有外出，只靜靜的在回想日間的點滴……好一個平安夜 Silent night, holy night！
2008年12月23日 星期二
2008年12月22日 星期一
Winter Solstice
冬至大過年，不過昨晚不用做節，反而約了老同學晚飯……
日落前後街上嘅燈影……
小朋友最愛就係探索新事物！
小朋友唔餓得，所以決定慕名前往此大排檔醫肚，排檔都有紅酒櫃，都係第一次見……
四大一細，叫咗枝竹豆腐炆火腩、小炒皇、缽仔蒸魚腸及荷葉蒸雞……連人頭飯，份量剛剛好……
飯後步往尖東，原來已有小朋友在報佳音……旁邊還有肥皂泡點綴！可惜後來發現同步擴聲帶，就覺得有點煞風景！
今年嘅燈飾好似較往年簡單……與老同學談到從前讀書年代，每年聖誕均會相約外出影燈飾，隨著年代過去，看燈飾已非指定節目了，而是變成特備節目！
尖東某食肆外的露天雅座……
其他燈飾都可唔識，都可以唔知係乜，但呢副無理由唔知吖?！
唔知點解，望住泛藍、或泛紫嘅螢光時，梗係有種莫名嘅留戀……及鍾愛！
明天氣溫下降，大家出外記緊著多件衫，冷親無得玩就唔好啦！
特別契仔要加衣保暖，咪陣間又再凍親流鼻鼻、咳咳，要去睇醫生，傳染你……傳染埋我呀！
訂閱：
文章 (Atom)