網頁

2007年12月28日 星期五

出發去迪士尼之二

坐完船之後,再去坐木划到『袖珍島』上參觀泰山樹屋。






從樓下拾极而上,走過一度非常安全的吊橋便到達泰山間樹屋。




以實物擺設來講述泰山嘅古仔。




你睇佢對眼幾有神!




睇完後返到地下,就見到呢D唔玩得嘅吊梯及升降架。




小靈精仲好有興緻咁玩呢D搞擊樂器添!






之後就得過望字,點解??因望人太多,所有的遊樂設施都要排成60分鐘或以上,就算有Fastpass都要個幾鐘頭先可以返轉頭玩,看真人劇場呢!又係因為人太多,又或時間唔啱而錯過了,真可惜!

連與迪士尼角式影相都要排隊,我又不懂分身,佢地又有時間限制,變咗响呢邊排得呢個,又去唔到嗰邊排嗰個。所以只影得呢一個,無其他公主喇、無米奇、米妮、史迪仔、唐老鴨等等……小朋友都等到無晒心機。




接著就去『幻想世界』排隊玩了旋轉木馬及看了一套3D的立體電影。就已經差不多到巡遊時間了。







便急忙帶她們趕去霸位睇17:30巡遊,在睡公主城堡前,都不知幾多人,由於她們身型較小,所以我與(女麻) (女麻)就讓她們鑽到最前方,而我們就站在大後方觀看,大後方即大部份嘅野都睇唔到。




天氣很好,巡遊時仍有餘輝!




點解無巡遊嘅相,除咗企得後之外,就因為發生咗不幸嘅事情,之咪係部相機唔夠電,突然間連畫面都無埋,仲熄埋機無得影添,激死我喇!



佢哋睇巡遊都不知睇得幾開心,之後,再去『明日世界』玩埋巴斯光年,因為之前已攞咗FastPass,結果係我最高分,哈哈!



跟住就帶佢哋去自助快餐廳食飯醫肚囉!(女麻) (女麻)揀咗咖喱飯、大靈精要食壽司加冷麵、小靈精要雞皇飯加紙包蒙牛奶、我就要咗個雞扒餐,行咗成日,隻腳鬼咁倦,好彩早一步到,仲有吉枱揀,沒多久就全場爆滿了,終於我哋坐到夠先走人。



見距離放煙花仲有大半個鐘,咪入去舖頭逛吓囉,唔信邪又攞部相機出嚟試影,影咗一張後又熄咗!






煙花好靚,同响日本睇嘅感覺不一樣,喺日本我係企响城堡前面的空地,要抬高頭睇,一朵朵煙花在我頭上盛放,有震撼感!

今次呢,我企响『小鎮大街』度觀看,距離較遠,畫面較擴,又不用把頭抬得高,就好似在看大銀幕一樣。



呢張係臨走前再試嘅!加埋迪士尼副立體眼鏡嘅效果,即係佢今次聖誕嘅賣點,標榜從眼鏡中所望到的燈光都會變成一片片雪花嘅效果,你哋話似似呢!




實驗証明,連返到屋企樓下,大小靈精用立體眼鏡望向所有燈飾都有同樣的效果,當然比起呢副相仲靚得多啦!




總結:好彩大小靈精們今次都自得其樂,但我就覺得不順暢,真有點不甘心,下次再有機會我一定要去多次,園太小,人太多,顧得玩之餘,其他野又做唔到,不過响日本嘅迪士尼同環球影城都係一樣,動輒排上成個鐘去玩一個遊戲,是否有點浪費時間呢!

 



出發去迪士尼之一

期待已久的20號,終於到喇!响十一點食咗個較早的午飯便坐地鐵出發,大約一個鐘頭的車程,便到達。




終點站落車喇!人頭湧湧,話好多人啫!


呢到係入園前的一個噴水池,池入面嘅公仔好生鬼,好彩而家唔係用菲林機啫!






開始行去入場處,就發覺,真係好多人呀!




你睇,園內人頭湧湧,心裡暗叫不妙!:-(




接納大、小靈精的要求,先去坐森林探險船。


待續……

2007年12月27日 星期四

又一年喇!


無事忙,咁就過咗個聖誕。同朋友聚聚,只顧吃吃喝喝,上磅又升咗,人工係咁升就好啦!


只顧玩樂,都沒有update個網頁添!


下星期二就踏入2008年了,今日一開工就忙到收工,做到氣咳。情況還會持續一段時間呢!


假期中做咗兩個決定……


第一:約好咗今年食團年飯嘅日期,仲訂埋位添!出去食,老人家唔駛煮得咁辛苦嘛!


第二:係約齊全家人於年十一參加屋苑搞嘅新年行大運一天遊,難得一家人舉腳讚成,又有專車接送,仲有餐齋菜食,$90真係好抵0架!