明知今日天氣不穩定，明知會有雷暴大雨，但以為早點出門口可以避得過，巴士路上，一直都下著小雨點，直到落車前十分鐘左右，天色忽然加速昏暗、還响起隆、隆嘅雷聲，心裡暗叫不妙……
巴士終於到站，看著外面橫風橫雨，心如何不願，也要下車……
沿著斜路向上行返公司，雨狠狠地打在傘上、身上，路上更是急流湧現，如瀑布般瀉下，鞋及褲管盡濕……
到達公司樓下前，還要澗水橫過馬路，即時濕鞋變"水鞋"……
狼狽地返到公司善後，首先扭乾褲管嘅水，再用抹手紙吸乾吓D水份，再向同事"J"借咗對拖鞋著住，然後用舊報紙塞入鞋內吸水，一對皮鞋將要報銷了……
眼見同事陸續回來，大家都係相望而笑，各人都用盡方法處理濕透嘅褲管及鞋，最多人來來住住的，並不是茶水間，而是"洗手間"，因為同事們都攞住D濕咗嘅物品，到"洗手間"內，放在乾手機下面吹風呢……
褲管未到午飯已乾得九成，唯獨係對"水鞋"，到收工時仍未乾爽，唯有在鞋內墊上抹手紙，趕快回家……
上班一族，最怕嘅唔係日照當空、或者寒風猛吹，而是下雨天，尤其係如此暴雨天！
星期日由科學園返出九龍食晏後，妹子就建議往九龍城買餸，今晚响佢屋企煮飯仔，就係咁就去咗九龍城……
呢區近嚟多咗好多新式嘅舖頭，夾雜係舊舖旁邊，形成強烈嘅對比……
就好似呢間，新式海味舖，魚翅、鮑魚、海參樣樣有
又好似呢間傳統式嘅藥材舖，無乜幾多間喇……
好似呢兩間，就專賣日式水果及其他較貴品種嘅水果……
呢間就主打澳洲和牛……貴，但好好味，是日我哋就買咗一盒牛柳粒返去炒西椒，牛柳粒入口即融，百幾蚊咋，四個人都夠食……
最後一站，就係响街市入面買埋菜、魚、蝦、同埋鮑魚就返妹子屋企喇！
是日晚餐有：陳皮蒸大連鮑(一斤有四隻)、蒜蓉蒸開邊大邊、蒸斤半重嘅東星、和牛粒炒西椒、灼菜心及滾蕃茄薯仔魚尾湯，因為晚餐由小妹主理關係，所以無得閒影低如此美味嘅大餐，實屬可惜……等下次啦！
星期天早上，天文台發了雷暴警告，但都沒有阻止我和妹子夫婦、及其友人到科學園的興緻……十點鐘開車出發，天上雲層很厚，一時露出太陽少少，一時又被遮蓋著……
目的地很寧靜，沒有太多遊人???但當我們離開時，便發覺停車場泊滿了車，酒樓亦坐滿了人，路上不停有踏單車的人路過呢！
有電子導遊……
其實我哋只係可以穿過某些大樓嘅大堂，樓上全部係寫字樓，上不到去，有些大樓如飛利浦大樓就不可進入，亦發現當天仍有人上班，因見到寫字樓有燈開著了，但就見不到工作的人，我們笑說：佢哋應該去咗做運動~~踩單車。
酒樓看似無人，但轉過頭，已坐滿人了……
無錢?? 唔駛驚！呢座大樓內有獅子銀行及差打銀行……
食厭咗中菜，可以食泰國菜……
係便利店買『叮叮飯』又得……
大堂一角……
科學園嘅地圖……
睇吓，D雲幾厚，仲聽到行雷，隆、隆聲呀！
路過嘅踩單車人仕，佢地應該係入大埔或出沙田……
對面唔知係邊處呢??
沿海邊一直望，兩頭都有長長嘅散步徑……
真係有人踩單車返工?? 咁佢會住响邊呢??
留意吓呢度D電燈，好特別，燈上有塊板，好似牙醫用具咁。
有少許雨粉，所以返回另一座大樓嘅地下……呢間快餐廳有燒烤自助餐o架！不過逢星期六、日及公眾假期先有，十二點食到兩點，大人一百蚊，小童好似七十。有人燒埋俾你食，唔駛自己郁手，又有冷氣嘆！
室內環境唔錯吖……
出咗外面，風景都唔差，有個人工水池……
工作人員正在準備燒烤Buffet喇！
當日最嚇人事件……就係响散步徑離遠見到一堆移動的物體，好快咁由花叢向海邊圍牆前進，然後竄入地下引水道……大家定一定神，才意識到牠是一條蛇，可能係蟒蛇，或者係水蛇，但肯定佢有成三呎長，我哋仲走去引水道望吓，點知真係見到佢捲縮在水道內……我哋梗係唔敢騷擾佢啦，點知佢會唔會突然間竄返出嚟o架！我哋當時仲話：連蛇都要搵地方躲起來，可能真係有場大雨要落喇，就係咁，我哋就打道返九龍嘆茶喇！
