收到 『天使鴨鴨 』的通知~~接捧！
遊戲規則如下：
被點中名的朋友請像我一樣回答所有問題，並發一篇BLOG在自己的網誌上！
回答之前，請刪除一條你不喜歡的問題，另出一條問題代替。
完成後，再點人繼續遊戲，並到對方BLOG留言通知
被點名者不得拒絕回答問題，不完成遊戲的人，會是一個無義氣的人！
1）你自己的最大缺點？
口硬心軟
2）你宜家個心最想做但又做唔到？
提早退休，環遊世界
3）目前為止，有咩令你最覺得自豪？
去咗超過十個國家旅遊
4）你最想去旅行的地方是哪裡？
埃及、希臘
5）現在最想做乜野？
遠走他鄉
6）你最愛既人係邊個呢？
我愛所有……愛我嘅人
7）你的人生觀？
人生苦短，應及時行樂
8）人生中，最快樂嘅一件事？
每年起碼去一次旅行
9）如果現在給你三個願望 ，你會有什麼願望 ?
1) 身體健康
2) 萬事如意
3) 財源廣進
10 ）你最喜歡去的地方？
靜中帶旺
留意喇……以下 4 個人，請接捧 PLEASE～～
TONY ,叻叻, YANOMI, 路霸
一齊玩下啦～
Wild China發現新大陸
首集介紹咗中國雲南境內嘅梯田、探索上千年嘅石灰岩洞、及介紹洞內燕子羣與以捕獵小魚為生嘅蝙蝠羣……
又有貴州嘅黑葉猴，佢地原來係素食者……
也介紹了在張家界溪流內嘅"大鯢"，又稱『娃娃魚』或『蠑螈』，野生可長到 一米 半長、及揚子鱷，又稱中國"龍"??
還有漓江嘅鷺鶿、及黃山嘅彌猴……
估唔到又有好片上，好似Discover Channel、及明珠曾播放過嘅『天與地Planet Earth』等……我好鍾意睇呢類生態或動動記錄片，因為呢D精彩嘅接輯係一般旅行都睇唔到嘅！
我亦非常佩服及多謝攝影師們，他們可能花上好幾年時間才可以追蹤到，或拍攝到心儀動物嘅一舉一動，甚至由其出生至死亡……但往往又不能加以緩手，以打亂生態環境…… 記住逢星期二晚明珠830，大家不要錯過呢！
在過去的一個星期，我心情反反覆覆的，為著一件未完結嘅事困擾著，使到我忐忑不安、情緒低落、心緒不寧、坐立不安、心情煩燥……
每一晚我都期待著一個答案，但『他』每一日都使我失望，我嘗試追問過，但答案空泛……不得要領，明白『他』亦有難處，固也不欲咄咄逼人，免『他』覺得煩厭，但一天又一天的過去……看著眼前的境況，焦急的我也只有亁等的份兒！
終於在星期六收到『他』的回覆，心情總算落實點……但仍需我給『他』多一點時間來安排……
直到今日，當我收工回到家，終於見到『他』所做嘅好事……
我終於得回一個新的……洗手間！
尤於洗手間地台滲水至客廳，所以要搵出原因……
當日揭起咗洗手盆底、及前面嘅地磚，發現沒有滲水跡象……『師傅』唯有先做回一層防水……
隔咗一日，『師傅』再把坐厠及企缸位置嘅地磚翻起……仍未發現漏水位置，唯有又先做一層防水……
坐厠搬了家，仲俾『師傅』唔小心整爛咗添……
又隔咗一日，『師傅』再嚟搵源頭，今次要鑿開企缸底睇清楚，睇吓係咪去水喉漏水呢?！原來係企缸四邊接合處滲漏，要再做番缸邊防漏工程……
19號『師傅』做完防漏工程後，又要等佢乾，又預著打風，終於一等再等直到23號先再見到『師傅』上嚟，開始舖番D地磚……
『師傅』仲要做剩呢個位，留番今日先砌埋佢……
今日收工返嚟第一時間見到個新座厠，簡直開心到咷起！雖然『師傅』星期三仲要跟埋小小手尾，但已經係小事喇！
個多星期嘅困擾，終於解決了，一切又回復正常……
