無無聊聊又到星期六，收咗工，見天氣都幾和暖，又唔想返屋企"發牛痘"，所以就去咗逛商場，感受吓D人預備過新年的氣氛。
可能連續兩年都去咗旅行，當時只留意當地天氣，要執D乜野，換錢呀、去到買D咩呀咁……完全都無乜點留意過年走勢。
今日喺商場見到人山人海，D人來來住往，可能好多人都出咗糧，加薪幅大咗，因此購物慾都提升。
行過間間舖頭都話大減價，有DISCOUNT，時裝店、傢私店、電器家品店……連食店都塞滿晒人，攪到我要响兩點半先敢去食晏晝。
今日逛商場其實都想買件衫仔俾大、小靈精同埋契仔，仲要預備份生日禮物送俾亞契仔個亞媽啦。熱身咗一輪先食晏，食完又再行過，終於行到七點先踏上歸途。
要買嘅都買咗，連臘鴨脾呀、煎堆呀、及放响全盒嘅糖果都幫媽子買埋，但自己嘅野就未有睇啱！有想過買對BOOTo架、又想買件衫買條裙，但啱款又唔啱價錢，仲有攞住一袋二袋要試身又麻煩！目標已出現……不過等下個星期先啦！唔知到時價錢仲會唔會再低D呢！
登…登……登…
終於收到今年第一張糧單喇！
睇吓先…出咗雙糧、仲加咗人工喎……
加薪幅度亦係我在職以嚟最高嘅……＄＄
＄＄
竟然高過１％……但可惜都高唔過通賬率吖……唉！
但總好過加你嗰１．ＸＸ％……真係多謝晒！
其實，古語云：『比上不足，比下有餘！』
目前既能吃飽、又著得曖、總有瓦遮頭添，係有時悶D啫！真係要學識感恩先得。
最後，天氣清涼，請大家多加衣裳，咪攝親手尾長……新年快到！
唔覺唔覺又到第四日，今日會飛返落曼谷，終於回到現代化、人車爭路、空氣污濁的環境，但又有大型嘅 Shopping Mall 俾你行餐飽。
於酒店吃過自助午餐後，導遊隨即帶我們去有得賺回佣的地方~~寶石中心和燕窩店，可惜我們只有在燕窩店幫襯咗兩碗燕窩咁囉！
跟住就放低我哋响四面佛附近嘅 Big C、Zen...行街街，旁晚時份便驅車到Suan-Lum 夜市旁嘅酒樓晚飯，之後再逛該夜市，一行行嘅單層式建築物，賣的都是一般手工藝品、衣服鞋襪、木雕、香薰燭台、披肩、大型小型傢俬、敬神用品……總之就乜都有啦！佢嘅面積都好大，夜市中間仲有各國徍餚食店、酒吧、亦有平民式嘅小食攤檔，行到倦可以坐低食吓嘢，充充電再嚟過。
大約九點便打度回酒店，今晚我哋住嘅係Meritus Suites State Tower ，即之前雜誌呀、報紙呀都有介紹過，賣店係住宅式酒店，响頂樓呢就有間好高級嘅意大利餐廳(定法國??)，坐喺露天嘅餐廳，外仲有人唱Live添、响另一邊就可以望住曼谷夜境邊飲野、邊吹水嘅露天酒吧呢！
難得一場到嚟，梗係上去見識吓啦！不過唔知係咪Week End關係，酒吧多人到插針咁！想飲番杯都埋唔到吧台，唯有疊埋心水返房瞓。
今日要返香港喇！食完個早餐返房執埋行李便離開。
我哋住响54樓呀！
金銀南瓜(擺設)。
先登上曼谷最高嘅 Sky Tower 參觀，首先上84樓外圍看看曼谷全貌，可惜當日有煙霞，灰蒙蒙的。
接著到77樓小型資料館繞場一週。
然後再到78樓自費吃自助午餐，地方很大，食物都很豐富，攞嘢食要繞場半周，爭取時間，快快吃完後，便走到樓下時裝批發市場八吓……
最後一站Emporium。
要沖刺喇……此乃屬當年最富貴嘅購物商場，而家已經被Paragon取替了！可惜嘅係，响該商場嘅百貨公司碌卡，竟然要收5%Charge，點做生意o架！
總括今次都買咗好多嘢返嚟：有衫啦、鞋啦、Boots嘅按摩油及手部Mask、新鮮青檬(好鬼重)、刺繡電話袋、龍眼乾及腰果呀咁囉…仲有一個三斤重嘅節瓜(係清邁嗰導遊送俾媽子嘅，都係好重o架，拎死人喇！
)
