新一年開始的第一天

                    新 年 快 樂！

風塵撲撲的一年又過咗喇，踏入2008年，就好像以住無數年一樣，梗係希望一年比一年好啦！

今晚剛與好安答及大、小靈精們在家中打完邊爐。一家人圍爐共聚，真溫馨！

雖然都只是一般大路嘅肥牛、脆肉鯇、小丸子等等……再加上啤酒、汽水及雪糕做甜品，食到個個捧住個肚，減肥大計又要擱置，唔得呀！肥到一隻豬咁，再落去唔得掂，條灶罅放我唔落喇！都係要o的起心奸，努力做運動減肥了。