清邁、清箂之二

一覺瞓到天光，好舒服呀！

晨早起床，吃過早餐便出發到蘭花園，園內的蘭花都是普通的惠蘭和蝴蝶蘭、園內亦有一個蝴蝶園，因季節不合，所以只看到牠的蛹及標本！

接著就往象山，先坐大象逛山頭，山路崎嶇不平，坐得我和媽子非常擔心，當大象走到山邊時就更加緊張，生怕大象"义"錯腳，咁我哋就會跌落山。好彩，終於都安全遊畢全程。

以前D大象係養嚟做粗重工夫，但又得不到好的照顧，但而家呢D大象都係被釋放的，可在園內安享晚年，收入來源便是靠牠們所繪的畫、表演及讓遊客騎著牠四圍走，但當那些大象唔聽話的時候，坐喺大象頭上的主人，就會一枝很堅硬的木鈎，敲打大象的頭顱，敲到閣、閣聲，好殘忍呀！

大象畫呢副畫一D都唔平，要成二千銖，差不多四百蚊港紙0架！

象園內的清邁少女。

回程時候經過當地的街市，其中見到有賣香料的、有專賣型型式式新鮮嘅或者係乾咗嘅辣椒、仲有一公斤咁賣嘅青檬或一袋袋的青檬汁出售添。

晚上享用了泰北的皇帝宴，由右至左：青咖喱、炸豬內、炸豬皮條、咖喱雞、炒雜菜、甜酸汁、炸雞塊，白飯任裝，餸菜唔夠都可以不停添加，雖然細細碗，但兩個人享用認真飽肚。

我們還邊吃邊看表演，可惜表演實太悶，大家吃飽後都建議早些返酒店按摩去。