今早啟程往清萊進發，途經手信店！大家蜂擁掃貨。
於手信店門外的腰果工作枱。原來腰嘅原貌係有個啡黑色嘅外穀，要遂粒遂粒開咗個穀攞粒肉出來。真辛苦！
差不多十一點便來到較偏遠的山區部族，參觀他們平實的生活，整個山頭分別住有長頸族、亞卡族、大耳族及苗族，走前跟她們購買了大大小小嘅布袋作手信；沒有重覆的花紋、每個都是獨一的、一針一線親手縫製的。
沿途見到嘅奇花！
沒有玩具，只在地上玩石頭的小女孩，我只看見她們眼中流露出絕望、無助…香港小朋友太不懂真惜了！
最特別的是長頸族：前者仍跟隨古老習俗，小女孩從五歲開始便把鐵圈往頸上套，三年加長一次直至二十五歲結婚為止。不要以為在文明社會，此古法便會絕跡，我們仍能見到仍被套上頸圈的女孩……心中有點不安…
另外的是大耳族：又是從女孩小時開始，在耳上穿大窿，戴上耳環，耳窿穿大越完整為最美……有點殘忍
離開了山區，於金三國旁湄公河邊吃個午飯後，便登船向『寮國』進發，每人要多付兩百幾港幣作為入境費o架！
對面岸就係『寮國』喇！
呢個牌，就証明我哋現身處於金三國地區。
金三國附近地區的佛寺。
似唔似武林聖火令呀，好鬼大個牌碑企响度！
渡過湄公河時，遠距離見到位於緬甸嘅賭場，導遊話，有好多泰國華僑和內地人去o架。
到咗寮國境喇！
『寮國』：即〝老撾〞，其邊界與中國、越南、柬埔寨、泰國及緬甸接壤。我們亦只能踏足其邊界部份的簡單市雜，市雜內有地道嘅編織品、手工藝、銀器等……繞一圈後，在當地雜貨店買了張名信片寄回香港給自己，但足足等咗大半個月後先收到，仲以為寄失添。
呢間雜貨舖所浸嘅有蛇酒、穿山甲、同各式各樣嘅酒。
本來今次都有機會入緬甸邊境嗰邊遊覽o架，可惜當時因緬甸政局問題，封鎖了緬甸邊境，我們緣慳一面，只有在較近距離拍咗呢張位於泰國邊界嘅緬甸海關。
最後唯有在泰緬邊境逛逛及坐下來飲杯凍青檬七，此地特別之處係有好多好多大陸嘅物品賣及好多呃咗你唔知嘅寶石賣添！
沒有留言:
張貼留言