匈牙利之六

第三天上車前，本後想再到酒店後的超市買『水』，但因為係國慶，竟然休息？！唯有係佢旁邊的士多店，用大約€1.x三支的價錢買了半打1.5lit的礦泉水，但都比起遊客區平，遊客區要€1~€1.5先買到一支0.5lit的『水』。捧D『水』返上車時，D團友都望吓望吓，覺得我哋好怪，點解要買咁多『水』。哈哈！過咗幾日，佢地咪又好似我哋咁，週圍搵『水』買囉，係我哋有先機啫！

一早出發，坐了兩小時車直入【巴拉頓湖區】：她是歐洲第一大湖，亦當地人渡假勝地，和玩水上活動的地點，從山腳經過一列的手信店舖往山上行，居高臨下看到一望無際的湖，可惜陽光未能把湖面上的薄霧驅散，景觀不太理想。

山丘上的修道院。

及一些上居下舖的小屋。

午餐位於【巴達干尼】區的一間小型酒莊內，此地區佈滿不同的酒莊，各自種植自家的葡萄及釀造自家品牌的紅、白酒，而當地人或遊客就會於假期時駕車來買佳釀及順道午膳。
酒窖內，佈滿著千年塵。

酒窖主人與導遊。

爬上大酒桶取酒給我們試

午飯有湯、椰菜包牛肉薯仔飯《味道不錯》、甜品是肉桂蘋果批《蘋果批乃東歐人地道的甜品》，還有Live Band音樂伴奏呢！

※特別加插節目：行雷、落大雨、仲落埋冰雹添！一粒粒，好似手指頭咁，叮叮咚咚打在屋簷及車頂，基於安全理由，我們要等至完全停止落雹才能離開，導遊說：因為佢地呢度係內陸地區性氣候，所以經常都會落雹，唔係一件特別事嚟。