我都唔明，呢d有學識的人(多數都係，有d仲高薪厚職)，
唔係鄉下婆，點解會咁樣對d家傭，你真係唔鐘意o既，咪炒咗佢囉，打佢、罰佢、無假期、扣超額人工、唔俾佢打電話、唔俾人單獨出街，呢d係咩行為呀？
佢地對自己的老公、仔女及親人會唔會咁做，人地山長水遠嚟到香港，都係想找多d錢，改善自己及家人的生活，可必咁樣為難人地！？
係咪見佢唔識講、又唔識聽，就可以亂嚟！？佢地係嚟香港打工，唔係以前d妹仔，買身嚟服待你呀！呢類人，就應該立入黑名單，唔準佢地再請外籍家傭。
你自己都係打工遮！若果你老細咁對你又點吖！返工有早冇遲、老細未走你唔走得、假期要O.T、出糧無定時、返工時間唔準講私人電話o既時候，你會覺得點？！
沒有留言:
張貼留言