就快又中秋

下星期二就中秋o刺，天氣都無咁熱，可惜懸浮粒子太多，攪到連對面海都望不到。唉！可憐有鼻敏感的人，差不多窒息。

在各大超市中，已經擺滿應節水果，我最喜歡見到一盒盒新鮮的水果，大路的香蕉、蘋果、橙係唔算的，我要的是巨蜂提、日本水蜜桃啦、泰國蜜柚、富士蘋果、大大隻的楊桃等等...一想到就流口水了

今天在吉之島買了些奇異果，因價錢平過百佳及惠康，$9.9有五個，仲要係紐西蘭名牌呢！我買了十個，跟住見到一些已除了厚皮的蜜柚，$22任簡，又買來試試，要是好吃，明天再買多個。您們不妨多買奇異果及蜜柚吃，前者豐富維他命C、能幫助大腸蠕動，後者纖維多，同樣能幫助排毒。哈哈！不要笑，腸胃健康的話，皮膚都靚、暗瘡都少d啦。如果午餐只吃西柚或蜜柚，更可以減肥呢！