好黑呀？！

今日食晏時拿拿林去咗銀行啦！入到門口排晒長龍到門口，

問門口個經理份表要交去邊個窗，佢竟然叫我去排隊，唔係呀！排完咪唔駛食飯囉？跟住佢可能見我拿晒口臉，就話幫我收份表去交，但都要預三個工作天！好過冇得用吖！

黑開有條路，我個 Ink-Jet 無晒黑色墨，估不到去咗三間舖頭問過，都話我呢隻墨無出o架o刺！(因為型號都無咗好耐) 吓！咁即係點？換過部囉！或者唔印黑色啦！嗚...嗚...好嘢，想咗好耐o刺，之前睇中D三合一的 Printer，可以打印、Scan及影印，明天收工去打下價先！