1) 當地的薯仔,他們稱為『男爵薯』,剩係聽個名就知幾叻啦!您可以訂一箱寄飛機回來(如果您開舖頭的話),否則就儘量吃多些,一隻隻好似BB仔拳頭咁大咋!或買其副產品,即係薯片、薯條囉!
2) 當地的粟米,都一樣出名!街邊有白烚或燒的,超甜,唔硬但有咬感。
3) 所有奶類製品:雪糕、牛奶、芝士、朱古力、蛋糕等.....例如:白之戀人及Royce...(朱古力)、北菓樓(買和菓子、蛋糕餅食呀)、六花亭(買朱古力、多種類的蛋糕餅食,有年輪蛋糕及季節性的蘋果批)。
4) 盛產的薰衣草製品:枕頭呀、眼罩呀、香薰油、香水(富田農場)、一袋袋的薰衣草乾(用嚟放係衣櫃驅蟲),不過如果您唔鍾意陣味,就唔好攪o刺!
5) 玻璃製品:於小樽的北一硝子店內,一定找到心頭好,細件的如手指頭的擺設、電話繩、吊咀,大件的可以是杯,香薰座、至全套餐食用品都有。
6) 菓物啦!看看什麼當造的,就買什麼,通常是柑、水蜜桃、夕張蜜瓜、士多啤士等等。
7) 最特別的就是海產,喺當地即食,然後再買返來,收o既人一定最開心,長腳蟹(生及熟都有)、元貝(不連穀)、乾元貝(我唔識揀,所以無買),就算要買神戶牛柳都得(導遊一定幫您訂)。
8) 仲有一樣特產,就是馬油。真係用馬o既油提煉出來的,從前北海道的人,在冬天的時候就係用呢D馬油來護膚,保持滋潤,防止爆拆,上次見到隻新產仲有埋防晒添!不過返到香港要張佢放係D陰涼的地方。
9) 其實仲有D印住"熊出没"的牌啦、T-恤啦、煙灰盅等......亦有好多貓頭鷹的木雕製品咁囉
10) 如果您係"Hello吉蒂"迷,就一定唔好錯過,北海道限定版的紫色及綠色"Hello吉蒂",好Qo架,呀仲有紫色"士路比"添。
11) 係狸小路D手信店買"帶子糖",抵過同導遊買o架!
以上的產品,我全部都買得就買,食得就食咁帶返嚟香港,希望資料啱用啦!如有任何遺漏及錯誤,請提出及多多包涵!
原來都有咁多野買~有d我都幾岩~有機會去就要睇真d先得lu
回覆刪除