做按摩

唉！終於book了明晚做『推油按摩』了，連去旅行前前後後成個月都無做book o刺。很累呢！

我做o個隻是用香薰油作全身慢慢按摩兩粒鐘，有點似指壓，再聽著泰國音樂，真的舒服到唔記得自己在邊添！

每次我去親泰國，晚晚一定做泰式按摩和一定會做一次全套spa先覺得夠！但我不會返內地去，佢地做腳底呢！都仲可以，但全身按摩我就未遇到滿意的，做完之後感覺好似俾人打了一身。
有次去到日本，浸完溫泉出來，見到推拿，價錢是貴(但不太貴)，我見對腳行得累，都幫襯咗，估不到手勢都幾好，個師傅仲話自己從上海來了日本已經五年了。

講到日本溫泉，我都啱o架，通常早返酒店的話，會第一時間去浸，然後才吃晚飯，跟住第二天起身又再浸多次，嘩咁就全日都精神，當然最好係凍天的時候啦！先在室內浸浸作熱身，然後到外面露天池再浸，我遇過飄雪的日子，真的很美，一片片的雪花在您頭上飄下來，但總沾不到您的，因雪花已在到達您頭頂之前已溶化了。