20 Oct 下午
因為全由『立山黑部』作出安排，所以我們11:45便吃午飯了……
3) 吃過午飯，運用僅餘時間購買及寄出名信片後，便坐10分鐘的無軌電車經過漆黑隧道落到2316米的大觀峰 ，遙望羣山連綿及大水霸
相片上方，就係縮細咗嘅水霸。
車站內小賣部，有飽肚嘅飯團、串燒及甜蕃薯賣。
4) 影過相後，我們便再乘坐空中吊車到1828米的黑部平，空中吊車，絶無支柱或支撐架，全程是架空的，從高落低，可見建築技術之高，還有，當地所有的職員均是全職的，他們會在封山的季節，分批放大假及向所有交通工具進行保養及維修
真係架空，無支撐點o架！
5) 接著再乘5分鐘纜車到1455米的黑部水霸，我們要走過長長的一段提霸及穿過隧道到終點站，隧道內展示了從1956年開始，日本人如何花了20年的時間建成此儲水庫。
可惜沿途風景並不突出，所以沒有影下來……
6) 最後便坐無軌電車通過隧道回到1433米的扇澤，全日行程宣佈完結，時間係15:30，跟住我哋就坐咗差不多四個鐘嘅車程返回金澤香林坊。
晚飯係鐵板燒+自費神戶牛柳(￥6500)，只吃得適可而止，因為晚上仲有大大隻牡丹蝦(￥5500)做宵夜，可惜當時只顧吃，沒有把牠拍下來，每隻都有手掌咁長，身型粗過我隻手指公，仲有豐富的蝦子呢！好味道！
~~待續~~
天氣咁泠, 早一些吃飯也沒有問題....
回覆刪除[版主回覆11/03/2008 22:47:00]係o架！基本上經過身體勞動後，什麼也吃得下呢！
全日好似坐車多,睇風景少.
回覆刪除[版主回覆11/03/2008 22:49:00]唔係吖！沿途坐巴士上山都有不少風景，不過車行得快，影唔到，有d境況淒涼唔俾你地睇啫！
乜野咁淒涼??又泠又餓....
回覆刪除[版主回覆11/03/2008 23:03:00]咪就係你見到綠唔綠、黃唔黃、紅又唔紅咁囉！
因為佢地全部唔係"好熟"LU,
回覆刪除[版主回覆11/04/2008 21:56:00]都幾生疏o架！
我上次五月去立山都一樣，車上車落，好繁忙．最開心係坐吊車，因為有風景睇，如果穿隧道就無野睇． 牡丹蝦我去北海道有五隻，多謝4500YEN，不過神戶牛柳(A4)好似9000Yen
回覆刪除[版主回覆11/04/2008 22:08:00]吖！我知喇……因為我係"神戶"旁邊，所以牛柳唔駛空運嚟！但係可能D牡丹蝦就要喺"北海道"宅急便過嚟，所以價錢各異囉！
總之食得開心咪得囉……
山下都有紅葉.......
回覆刪除[版主回覆11/04/2008 22:09:00]係有呀……零星落索囉！