噚日仲跟同事打賭今日會否掛八號風球，眾同事都變成天氣專家，紛說路徑相當接近，實打得成，不過行得咁慢，唔知係咪要晏畫先到……
點知噚晚己經掛咗三號風球，今朝鬧鐘一响，九秒九開收音機聽天氣報告，得知八號風球已經懸掛，跟住梗係繼續瞓啦！
直至十點，知道仲係八號風球，開著電視睇吓咩情況先，關心佢幾時走吖嘛！如果佢响我收工前三粒鐘走咗，我都要趕返公司o架！
由於我居於高位，所以每逢打風落雨，我都好驚，驚冷氣同窗滲水囉！早幾年打十號風球吹正我間房，成晚冷氣同窗都滲水，要搵毛巾攝住索水……今次又係吹東南風，我房部冷氣又開始滴水喇！
外面嘅環境，今朝都無乜雨o架，而家就開始密喇，D風就一陣陣連同雨水打落蒦玻璃窗度，仲要係『呼呼聲』、『逢逢聲』，都幾嚇人……好彩無行雷閃電啫。
與媽子相量，不如落樓下酒樓飲茶兼開飯啦！順便買埋今晚餐餸?? 如果街市開的話！否則今晚我哋就唯有食罐頭大餐啦！
哈哈~好在咁晏先掛3號~睇埋個移動路線
回覆刪除都估佢會掛8號風球呢~今日我都無出去呀
我依邊好大風大雨~好在有後備糧倉~唔豐富但又唔會餓死~哈
[版主回覆08/06/2008 14:13:00]報導話遲D個風過咗，就會改掛三號喇，希望佢捱多粒鐘先走啦！否則，我就要趕返工喇……
而家唔止打風,仲有雷暴警告添,
回覆刪除[版主回覆08/06/2008 14:19:00]我呢邊停咗雨喇，不過仲係好大風，吹到V、V聲！
今日唔駛返工，真係可以訓完再訓．我間房向西，所以都無乜風，晏晝仲無乜雨，好平靜，可能唔係吹正我個邊，我細佬食完晏晝飯就走去尖咀唔知係米睇白頭浪．．． 小妹，酒樓飲茶多唔多人呀?
回覆刪除[版主回覆08/07/2008 21:57:00]好多人呢！全世界嘅人都湧去飲茶兼開飯，炒粉麵就快手，叫點心就等咗成粒鐘都未到…… 終於唔等喇埋單走人，仲要响麵飽舖買咗兩個麵飽頂肚。
Hello 捱不到的話很多人咆哮了.
回覆刪除我就幾幸運在打風前一天,
大哥為我裝好部電腦.
8號風球那天上網找旅遊資料.
[版主回覆08/07/2008 22:00:00]悶悶地上吓網都不失為一個解悶嘅妙方……
咁搵到你要嘅資料未呀?? 除咗上網仲可以去圖書館搜集資料，資料都幾豐富o架！
飲茶飲成咁..真慘
回覆刪除[版主回覆08/07/2008 22:51:00]唉……真係唔好趁熱鬧呢！
我就响屋企瞓足成日啦，好耐都無咁舒服過啦，真係多謝哂個風啦！星期日亞姐姐又放假啦，唔知點算好呢？去邊好呢？１４至１８號會展有美食展，亞媽約我去，不過係平時，貪少人，希望多ｄ野睇啦！
回覆刪除[版主回覆08/09/2008 23:00:00]你放到假咩?！齋大人都ok嘅！
我就唔好彩啦, 放緊大假先打風
回覆刪除[版主回覆08/09/2008 23:06:00]咦！咁你放大假無外遊嗎?? 打風唔緊要啦！有Christy陪著一齊渡過，都係件樂事吖！