昨日如往時早起，聽電台得知上午八點前會掛上八號風球，即表示朝早不用返工……繼續蒙頭再睡，直至十點多醒來，再留意新聞公佈，知道稍後會再掛上更高嘅風球，咁即係話下晝都唔駛返工啦！無大驚喜，可能之前同事們已談論過……
八號風球，窗外一片平靜，只像平常下雨天，也不見刮起大風，樓下樹木亦沒有吹得彎腰，簡直沒有郁動……
九號風球掛上，窗外下起較密的雨，開始有點風，可能風向不對，所以沒有受到正面吹襲，看雨點打到玻璃，一陣陣的……不連貫，看得不暢快……應狠狠地下一場大雨，驅散地上的悶熱感……
呆在家中看小說、上網睇吓電影、睇吓Blog、煲吓電話粥……咁就悠閒地過咗一日……有點悶添！
昨晚睡前，已得知改掛了八號風球，並會於今早改掛更低風球，殊不知一覺醒來，已經一號風球……
呆了一整天，應出外走走，吸吸清新空氣，其實也沒有太遠的地方要去，只往體育館做GYM，之後到圖書館走一轉，接著到快餐店食個LUNCH，咁返到屋企己經係三個幾鐘頭後喇！
邊走邊見到一些圍欄、樹木、車站牌都經不起大風吹倒了下來……
但沿路行走都見天色明朗，悶熱感仍在呢！及後還出現藍天白雲呢！心想明天該是天朗氣清的，應是遊郊的好時刻……但……仲等緊人約噃！
係呀~今日天氣即刻好返好多~不過昨日真係好大風
回覆刪除我連窗都唔開得呀
[版主回覆08/23/2008 18:39:00]你第一個見到呢段新網誌噃！ 你今日有無出外吸口清新空氣呢！
Hello 打風期間在家觀賞奧運.打風之前那天走到街市買定糧草.
回覆刪除每次打風個風臨走,我屋企就一定食風尾,
風暴強勁鄰居厕所個抽氣風扇吹爛了.
剩下一隻車葉.今次都好彩家居無事.
[版主回覆08/24/2008 21:52:00]舊年打風時，我屋企厠所嘅抽氣都俾大風吹走……
好彩今年打嗰幾場風都無大礙……
佢最後走既時候係吹西南風，我屋企向西，成晚都無覺好訓
回覆刪除[版主回覆08/24/2008 23:33:00]咁咪好慘，玻璃窗有冇滲水呀?? 咁你有冇喺大白天時再瞓多覺呀！
九號風球接近尾聲時,風力好勁.
回覆刪除[版主回覆08/25/2008 22:33:00]尾聲時風力係強咗小小，不過喺我嗰邊就無乜影响！ 頂多唔可以開窗，因為雨點會打進來，但關窗後都無好似上次咁滲水，冷氣又無漏水，好好多o架喇！