昨晚約好妹子游早水(我唔識游o架，純綷實習吓、浮吓、游吓、沉吓咁囉)，所以一早便往妹夫家去……然後便與姻伯母一家飲茶兼開飯。
接著就跟妹夫嘅亞哥、亞嫂等人一齊返佢屋企睇奧運直播，往年我都好少睇奧運直播，但今年中國係主辦國，情況又有點不同，總希望中國今次能奪得多項金牌……是日晚餐：Order Pizza Hut自取外賣，因為自取有九折呢！
剛趕及看到三米跳水比賽，目睹郭晶晶及吳敏霞拿到金牌那刻真替她們高興……
接著有女子十公尺氣槍比賽，由郭文珺奪金……佢由頭到尾都表現得好穩定及冷靜，真不愧為高手……沒有讓壓力影响了賽果……
還有女子體操隊嘅資格賽……所有隊員都全力以赴，當看見失手隊員嘅失望及傷心嘅鏡頭，亦暗替她不值……不過失敗乃成功之母，同志們繼續努力！
跟住於女子柔道比賽中，由一個母親級嘅選手~~冼東妹拿到了金牌，大家千祈唔好睇少女性嘅能力呀！
仲有就係力的表現，男子舉重，見到後生可畏嘅龍清泉，大家精神為之一振，因為同場還有印尼、台灣及越南都係有能之仕，每當這小伙子出場，我哋全部人都不其然喊出加油，努力嘅口號，可喜是不負眾望……
舉重比賽完結，亦是大家打道回府嘅時候……
尋日,我和媽媽行尖咀海港城,內有直播跳水-女子三米跳板,當郭晶晶和吳敏霞跳最後一跳時,全場人仕也似是平息以待,跳完,人群仍未散去,好緊張等分數,打出分數,係最高分,全場途人鼓掌起來.
回覆刪除[版主回覆08/11/2008 22:00:00]
係啦！原來一大班人一齊睇係有共鳴好多o架！我哋噚晚都睇得好肉緊！
鴨鴨，尋日我四點去完南Y島返黎都去左尖咀附近，起鐘樓剛剛有小型奧運遊行睇
回覆刪除小妹，你都幾勇，唔識游水都浮得起，有D唔識游既人見到水都會好驚 ，一班人睇電視係熱鬧D
回覆刪除[版主回覆08/12/2008 21:54:00]唏！雙腳掂到地o架！