第一站名古屋

橫掂無節目，等我可以專心上載番上次賞櫻嘅行程，重溫一下！

某年嘅三月三十一日從香港出發去名古屋，要响台灣轉機，响侯機室等咗半個鐘啦，然後再坐多三個鐘就到日本中部嘅名古屋喇！

接著便啟程往伊良湖了…三月尾四月頭嘅天氣不太凍，但室內仍開著暖氣…

往酒店途中嘅小休站

到達酒店已經係七點鐘喇，食過自助餐，浸過溫泉便返房瞓覺豬了。



酒店房外嘅沙灘景

第二日一早出發去碼頭，坐渡輪去鳥羽‧伊勢，咁樣就可以減省成三個鐘嘅車程，況且日本渡輪我都未搭過，原來都好大隻，下層泊車，上層坐人，頂層仲有貴賓室，船上有食物無應，當然要收費啦！

好大隻渡輪，前面一架架車，就係排緊隊上船喇，我哋架旅遊車當然排緊係佢地後面啦！

開船喇！好大風浪呀，你睇吓D浪就知啦！

船艙內有介紹伊勢美食……

伊勢神宮：分內宮及外宮，一般遊客只能到外宮參觀，而此宮特別之處，就係每20年便會清拆及重建，對日本人嚟講，係一件非常隆重及有著重大意義嘅事情嚟o架！

要經過一段小碎石路，然後再經過兩旁種滿杉樹嘅大路，最後才見到登上神宮嘅石階……小點腳力也不行

神宮外貌……好似同一般神社無分別……

正宮即大殿?? 歸道即出路??

一串串嘅小型吊鐘花，好得意……

第一次見到日本櫻花，係神宮花園內，有嫣紅色及淡粉紅色，只零星一棵棵栽著……我已覺得好靚……

古典街：位於神宮旁邊，街內建築物都是舊時模樣，兩旁店舖多以售賣食品為主、也有瓷器、手信品等等…

舊郵筒，而家仲用緊?！

呢D唔食得嘅，係吊飾嚟……唔知有咩用呢?

美味嘅山栗，即炒栗子，我有買嚟試，好甜好好味…

逛完古典街便去食午飯喇！