若冬季會出外旅遊的話，我不期然會想起日本，想著她的雪、她的溫泉。浸在露天溫泉，看著雪慢慢飄落，還未沾上身，已被泉水熱力融化了。浸過溫泉後，最享受的就是嘆一口雪糕，然後再享用甜美的水果作宵夜。確使人回味無窮！
望梅止喝！睇翻年頭住北海道的相片，發覺影少咗好多相，因為已經是第三次到訪，有些地方已重覆再去了，當時覺得之前已經嚟過、影過，唔駛再影了。但而家翻起來睇，就發覺响同一地點；喺唔同嘅時間；跟唔同嘅人一齊，都可一不可再，如今覺得有些遺憾！
好了，年三十晚出發，坐國泰直航到北海道，唔駛轉機，幾好呀！七點鐘就到薄夜，不用晚餐當宵夜食。雖然係年三十晚，但團體餐仍然係安排八點半响拉麵街吃拉麵o架！所以我哋就火速到Robinson地庫超市買定士多啤利及蜜柑做宵夜，還有杯麵和零食啦，接著還重臨舊地買燒墨魚丸、食吞拿魚及甘海老壽司、仲試埋Mos Burger添，點解食咁多，因為我對拉麵麻麻地囉！
返到菓子王國酒店，仲可以慢慢浸埋溫泉，食埋生果先瞓呢！天氣凍唔凍？得1度囉！但因為開心得濟唔覺凍噃！
真係好正喎~去咁多次日本~北海盜依家真係好貴
回覆刪除個市其實都唔係唱得咁好啫~不停吹噓~攪到咩都貴晒
[版主回覆11/29/2007 23:24:00]但如果要就啱睇櫻花、花田、雪祭、浮冰呢D團，就一定貴，不過無想到今年會係超貴啫！
小妹：
回覆刪除札幌的「橫丁拉麵街」，其實不太大，但以有幾十間拉麵店，那晚我都是隨便選了一間入去品嚐，可能是天氣寒泠，吃起熱騰騰的麵來特別好味，麵湯都喝清，大伙伴兒還與老闆及老闆娘合照，開懷大吃大喝只是￥850吧，十分抵！好過香港那間「X千拉麵」多多聲！
我到日本都一定去超市買他們的士多啤梨，再買支專為它而設的煉奶同吃甜美非常，不知何故在香港買到的日本士多啤梨總是差少少的。
今年聖誕節北海道五天團竟然開價＄14000都話爆咗，妳講得啱，參加的人不知何許人，雖然經濟吹得好到上天，但市民個個還在捱世界呢！
Diy
[版主回覆11/29/2007 23:32:00]價錢差不多啦！基本上係好過"X千拉麵"，但我通常都食唔晒一碗嘅！因為坐低前已急不及待去買咗其他更好味嘅嘢嚟填肚囉！
梗係啦！因為佢地會將靚嘢留番响日本，次一點嘅貨色才運出國。除咗士多啤利，還有王林蘋果、水蜜桃、巨蜂提子、雞心柿、甜柑都一樣咁好味呢！
hi 路霸, 我和你的看法一樣, 吃在日本其實非常平宜, 中及高價和有侍應服務的餐飲十分超值! 每人預算約 HK$250- $400 的河豚宴, 全蟹宴或懷石料理最使我饞相畢露! 新宿道樂蟹店總店, 位於新宿靖国通, 裝飾非常古典, 亭臺樓閣, 古式古香, 日式 Tatami 房間, 小橋流水, 服務員穿着全套和服, 整体氣紛就像時光倒流......這零用錢可不能不花....
回覆刪除http://www.douraku.co.jp/kanto/shop/shinjyuku_h.html 就算是約 HK$100 的定食也不比香港貴.
[版主回覆11/29/2007 23:40:00]我覺得吃在日本真係物有所值的，無論食品嘅質數、服務態度，環境等等……就好似响清水寺吃豆腐皮餐，响香港，邊個同你花時間去食，食店都唔想你坐咁耐添！但係响嗰度你就可以好優哉悠哉咁享受食物嘅味度，心靈嘅恬靜。
小妹, 我還記起在東京新宿私鐵小田急線新宿駅上蓋的小田急百貨公司頂層的超值的懐石料理, Podium lift lobby 的電梯女朗樣子甜美, 手戴白手套和穿着筆挺的制服款待造訪的人客, 二百多港元的套餐非常正斗! 餐卓有點特別, 好像麻鵲枱, 四邊有木條圍着. 原來其中一道菜是一個竹筲箕上放了一張防水的紙, 摺成一個大大的紙湯窩, 放在平滑的枱面竟然蒸氣直冒, 窩內的湯滾下滚下!...原來枱底暗裝電磁爐, 窩底放了一塊大鐵餅, 美味的茄子佔窩子的大部份体積, 如紙窩真的破裂, 漏出的熱湯也會給麻鵲枱盛載着, 不致於燙傷人客. 就單袛這份心思就已經值回票價! 嘴巴和眼睛, 終極享受!
回覆刪除[版主回覆12/01/2007 16:30:00]希望有機會，一嘗你所介紹的食店就好喇！