布拉格三

……離開了布拉格城堡區後，便開始進入下城區。

此乃最窄的及由上而下的行人通道，上下各有一盞紅、綠燈，見到綠燈，就可以向下走，如果是紅燈，就要停下來，讓下面的人走上來。

在下城區內，到處都可見到歷年水浸的指標，簡直係大水災，人民損失慘重。

終於到了著名的查理大橋，跨過大橋就是下城區，橋下是維爾塔發河，廣闊的兩岸，橋上兩旁有不少小販售賣有關布拉格的照片、或繪圖、有建築物、也有雕刻像及人物等……但橋上實在太多人，沒多餘的空間呢！

見到嗎？塔上D雕像顏色較淺，知道點解嗎？

大橋直通住舊城廣場，前後左右都係人呀，仲有黑人添！好多日都無見到咁多人，突然間好唔慣！

去到舊城廣場，梗係要見識吓天文鐘啦！到而家仲係非常準確，可計算出四季變化及日、月星移，你話古時D人係咪非常之有智慧及聰明吖，反觀現今……就冇咁叻喇！

四週除了多手信店，也不難見到打著〝Bohemia Crystal〞及斯華洛水晶店舖(剩係廣場週圍都見到有三間，驚你唔記得買呀)。

下城區的外圍叫新城區，即係新擴展出來的地方，比較先進，高樓大下，潮流品牌(H&M、ZARA、MANGO、BATA等)都集中在此，仲有麥當當添，如果想使用麥當當的廁所，則要向廁所掌門人出示惠顧的收據方可進入！

遠眺新城區盡頭，可見到國家博物館的所在。

另一邊，即是舊日下城區城牆的位置，則遺留一座黑蚊蚊的舊火藥塔，他同隔離顏色鮮艷的巴洛克建築物唔係好夾。

晚上係一間修道院入面食烤鴨餐，及試飲出名的捷克啤酒。

當晚入住布拉格機場對面的五星級酒店"Courtyard By Marriott Pargue"，剛於今年4月開幕咋。

p.s領隊話其實好多嘅雕刻品已擺晒入博物館，剩低嘅係因為一搬就會散晒，所以留番响度，搬走咗嗰D，就係原位放番仿製品囉！顏色唔同o架！

MOSER係捷克出名的水晶玻璃品牌，賣點係從古至今全部的產品都全由人手打磨(即人工貴、時間長)，各地皇室或富豪均會用此製品作為隆重場合的御用品。
……待續