多謝大家關心，小妹無事喇……只係心情一時沉咗底……情緒紓發咗出嚟，而家好好多喇！
大，小靈精已開始放暑假了，早前買咗本暑期綜合作業給大靈精，心想可以讓她做多一點習作，溫故知新，怎料竟與她學校派發的一模一樣，大靈精問我點算好……我話唔駛擔心，先把我那本作業做一次，若做錯改正以後，再抄寫一次到學校作業，咁咪當溫埋書囉！
下學年，大靈精要開始寫英文草書喇，學校派了Copy Book俾大靈精做練習，見到她興致勃勃咁每天咁寫，佢真係好俾心去寫o架，新事物總有點吸引力的。
至於小靈精呢，除咗佢學校嘅習作外，我就買多咗三本練習給他，其中一本係中文寫字練習，訓練佢寫字要跟筆劃順序，另外有兩本較味趣性嘅，IQ練習、及集中力訓練，鍛煉佢嘅思考同集中力，每當佢做得好，我都送他一個貼紙，暫時都OK啦！
哈哈,我都有download左呢首歌啦.
回覆刪除[版主回覆07/18/2008 23:49:00]我仲驚無人識添！
你唔記得我係先聽李xx- 昨夜的渡輪上,後再聽劉華- 昨夜的渡輪上.所以呢首歌,我識架.
回覆刪除[版主回覆07/20/2008 00:35:00]咦…咁我無聽過劉華隻~~昨夜的渡輸上，咪好OUT囉！
做功課外，有無安排佢地既暑期活動，暑假忙呢
回覆刪除[版主回覆07/20/2008 00:38:00]佢哋嘅節目仲多過我，同佢地去玩要預約o架！就好似今日咁去逛西貢，早一星期已經要約定喇……
冇理由你冇聽過既,小朋友.
回覆刪除[版主回覆07/20/2008 23:00:00]我好少聽歌o架！