半夜的紅色暴雨及不停嘅行雷閃電，令人不能安睡，還擔心今日仍會持續下雨，幸好，雨過天清，天氣也不算太差……
晚上舊朋友聚會，邊吃飯……邊雞啄唔斷咁傾咗三粒幾鐘，要不是明天有人要返工，可能還會改場地繼續……
曾共事咗七、八年嘅同事，大家亦由同事變成舊友，尤於各有各嘅忙碌，一年可能只相聚一、兩次，通電幾次，但相熟程度己達無所不知、無所不談、由BB級去到四級嘅境界，真情對話，絕不做作及假惺惺！
言談間仲發掘到其他好久不見嘅舊同事消息添……得知大家仍活在太陽低下，無損無傷……亦已成家立室，有的夫妻恩愛、有的為兒為女……唯獨我仍是孑然一身……我羡慕佢地羡慕我??? 大家都有吃不到的葡萄呢！
舊友聚頭少不免要回顧當年事、仲有講吓『生活』、講吓『天方夜譚』嘅事、例如：俾你中咗六合彩頭獎你會點?? 最想去邊處旅行?? 日後大家老咗會點?? 手機啦?? Wii啦?? …… 
大家就喺如此高談闊論、情緒高漲嘅氣氛下結束了今次聚會……
沒有留言:
張貼留言