好彩係星期六……我唔駛返工,若果係平日,天文台未必會掛上"黑雨",那麼公司喺山長水遠嘅我,肯定又一次濕晒身咁撲返公司嘞……而且仲係小學派位公佈嘅日子呢!難為了父母……
噚日晨咁早就避雷聲嘈醒,加上密密麻麻嘅暴雨,明知早上不會有任何活動,唯有大被冚過頭繼續瞓……
直到十二點才施施然起床,咪咪麼麼……睇埋A台及三色台嘅新聞,得知外面情況,比上一次更嚴重,多處山泥傾瀉、各區有不同程度嘅水浸、北大嶼山公路因水浸而封閉,連累往機場嘅旅客……小山溪變洪流……長樓梯變小瀑布……
好彩,下午天色轉好,雨亦停了,所以便與媽子往尖沙咀飲下午茶,沿途所見一切如常,沒有交通擠失……但見海港城內人山人海,大部份都係內地遊客……嘆完茶,逛下東、逛下西,轉下眼就七點幾……唯有打道回府吃晚飯,跟住睇埋套"魔幻王國"……第一日嘅假期就係咁過咗喇!
我都係比雷聲+看貓貓受驚程度=8:00起床,當時是黑雨,我落街去麥當當買早餐
回覆刪除[版主回覆06/08/2008 22:50:00]吓!咪買到成身濕晒咁返屋企囉??
有時落雨好呀,香港大焗熱令到個人好易忟
回覆刪除小妹:
回覆刪除妳地真喺好呀,星期六唔使返工,喺11點轉咗紅雨後,我就要「那那林」冒雨起行返工喇!
Diy
[版主回覆06/11/2008 22:10:00]咦!你做服務行業? 所以要拿拿林返工!我老同學做酒店!嗰朝一早直情一個水人游返公司呢! 為兩餐一宿,無辦法嘞!唉……