騙局兩則~~老人家及小朋友要留心!
個案一:
鈴…鈴…
小朋友:喂,搵邊過?
懷人:叫你媽咪聽電話吖!
小朋友:媽咪唔响度呀!
懷人:咁嘅!因為你哋中咗獎,想通知你媽咪嚟攞獎呀,你俾媽咪個手提電話號碼俾我吖!
小朋友:哦,係98765432囉。
答~~~~~收咗線,好彩懷人無問小朋友攞地址咋,不過難保再有下次……所以已鄭重地教導了大靈精,以後唔準接電話,更不能隨便响電話入面嘅人公開住址、姓名及任何人嘅電話號碼……
個案二:
鈴…鈴…
老人家:喂!
懷人:太太你好,我係XX銀行打嚟嘅。
老人家:咩事呀??
懷人:哦,因為你而家用緊嗰張信用卡,將會係你65歲後就用唔到o架嘞!嗱,你講我知張卡嘅號碼,咁我就可以幫你延長至85歲嘞。
老人家:咦,係咩?? 不過我有排都未到65歲噃!
答~~~老人家收咗佢線,我哋大家都讚她聰明……
太陽底下無新事,騙局通常都係舊酒新瓶,但橋唔怕舊,最緊要受,有時可能稍一留神,就會識破玄機,希望大家當心!不要招至無謂損失……
多謝你的資料
回覆刪除[版主回覆06/22/2008 18:32:00]提高警覺會好D嘅! 就算响街上行行吓,有陌生人走過嚟同我講野,我都會嚴陣以待,睇吓佢想做乜!
係lu~電話騙案真係好多~真係要同d人講下唔好咁易比人呃
回覆刪除[版主回覆06/22/2008 18:29:00]如果我接到D不知明嘅電話,佢又講唔出人名,即係淨叫你做"小姐呀,我係乜乜公司……",我就 CUT 佢線,講多句都無謂!
Hello 我睇警訊的騙案例子,知道一吓最近騙子的新手法.來提醒自己.
回覆刪除[版主回覆06/28/2008 00:50:00]總之大家要小心提防,真係『防人之心不可無』o架!