雖然今日係黑色黑期五，但係返工同收工時都避過咗場大暴雨，都ok吖！
接到老同學報喜，得知她的小朋友可以入讀心水小一，不用四處敲門，真替她開心，之前她仍在為小朋友四出張羅，預備萬一要扣門時候用嘅“愛心Profile”，我亦盡一棉力，協助她完成這個Profile，以策萬全。
回想起孩童年代，做父母嘅邊有咁緊張，只要為小孩找到小學入讀，唔駛俾學費已經係最好o架嘞！想好D，咪送小朋友讀私立小學囉，都無話要咩一條龍，而家從幼稚園開始己經話要一條龍直上……
眼下上學兒童，他們是否因為學制改變而學習得更好呢?！
佢地嘅書本比從前加多了，書包己不能擆上背，要放地上拉……
內容加深了，我喺三年級先開始背乘數表，現在二年級已開始背了……
多用電腦少寫字，連寫毛筆字都竟成為課外活動之一，仲要係三年級才可以參加? 我懷念當年嘅『騰文』係用毛筆抄寫的……
學校美其名話親子閱讀，多做課文理解，試問一個小一學生，字都唔識多個嘅時候，點做呢D功課吖，咪又係『父母』收工返來嚟挑燈夜戰……
兩文三語……廣東話、普通話、英文，自己都未掂啦！攪到D小朋友見到個中文字都唔知點讀，一係淨記得普通話發音、或廣東話囉……唉！
父母要返工無時間，外傭只料理家務，不會幫做教小朋友做功課，那麼補習社便大行其道，各自吹噓自己點咁好……集各學校試券之大成……仲要分唔同時間或時段收費……，做到好似係你唔報讀就你執輸！
查實呢D補習社嘅師資參差，學生質素亦然，花了時間、金錢，却未必有成效，好似買六合彩咁！
以前D父母話，你係龍嘅就上天，佢係蛇嘅就落地，而家各家長都想自己子女快速成"龍"…即『速龍』……仲未話課餘時間嘅活動，唉！有時間都俾D小朋友休息吓啦！不過當個個小朋友都係咁嘅時候，偏偏係你唔同人，咁意味著你會唔夠人叻、唔夠人爭，咁就會比下去嗰噃……真係要God Bless U!
而家d不但小朋友有父母強迫下讀書,好似近日有位讀大學音樂系的女仔,又係因父母壓力之下,跳樓自殺.唉..... ,研竟d父母知唔知小朋友根本唔開心??或是人做,自己唔做,有蝕底感覺
回覆刪除[版主回覆06/15/2008 12:54:00]身為父母，為咗搵食，真係未必知道小朋友唔開心， 加上社會因素，佢地無辦法唔推動D小朋友不斷學習攞得好成績！呢個係香港教育制度嘅錯！
真係講得好, 依家D小朋友和家長真係慘, 真係好大壓力
回覆刪除[版主回覆06/15/2008 12:59:00]而家D小朋友最FREE 都係放暑假囉！其他新年、復活節、聖誕假期跟本無得盡興，因為喺呢D假期之後，通常就要做評估，咁即係要溫習，無得玩囉！
係呀~依家眼見d家長~真係為入學~個個都好緊張
回覆刪除考唔到個大人都喊埋一份~依家要照顧小朋友真係唔係易事
問心我就無咁好愛心+耐性lu
[版主回覆06/15/2008 23:55:00]唉！大人都仲知道為乜要小朋友咁辛苦，小朋友就根本唔明白大人嘅心機……就會更加抗拒……