西貢橋咀島

天氣非常晴朗及炎熱的一天，契仔媽興之所至相約往西貢一行，13:30趕到西貢與她們會合……

我哋就係呢條橋上會合喇！

仲見到橋下賣海鮮嘅小販添……

然後大家就往茶餐廳食咗個簡單嘅午餐

穿過小巷，見到此間麵飽店，店前賣麵飽，店後有個小型露天茶座，不過只供應飲品及店內麵飽……

差不多15:00，便到達上船地點……

我哋就係坐呢隻艇過橋咀島……第一次去咋！十幾分鐘船程，無暈船浪噃！

從碼頭上岸後，會見左手邊係市政泳灘~~不過係無人嘅，右手係私人泳灘~~都幾多人吓……

中間靠左位置係一條"連島沙堤"，只有喺水退時先會出現，我哋就係咁一直行過去中間嗰島喇……

契仔嘅腳印……人生嘅足跡??

"連島沙堤"途中，兩邊是海水，中間是大、小不一嘅石塊，遊人會在岸邊摸蜆、捉小石蟹，對出處亦有玩浮潛的人及划獨木舟的人……

經年被海浪沖擊的石塊，已被打磨得圓圓滑滑……

於"連島沙堤"中段回望至橋咀島……

遠、近不同位置的景緻

影吓相、足吓蟹仔、咁就玩咗兩個鐘，大約17:00便返回碼頭等街渡嚟接我哋喇！

呢個就係市政海灘，睇吓岸上邊幾多石頭吖，有救生員當夕o架！都有一、兩個人响到玩緊浮潛嘅……

於船上拍到的黃昏，仲未日落……

回到西頁碼頭喇！

於大街、小巷逛了一會，便往街坊酒樓吃晚飯……除咗有菜心、生菜扒靈芝菇、乳鴿、白灼海蝦外，還有以下四款菜式：椒鹽瀨尿蝦、蒜蓉蒸元貝、蒸鮑魚仔、海上鮮及炒蟹，各人都吃得非常飽。

返回碼頭坐車回家前，經過此碼頭旁的酒家魚缸，入面嘅花尾躉比契仔仲大呢！

酒樓為吸引顧客，於地上放置了幾隻有"海洋活化石"之稱嘅『鱟』，牠是海洋節肢動物，已經有咗四億幾年，佢嘅血係藍色嘅，聞說食用價值好高，唉！經歷咗咁多世紀，却難逃被人吃掉的命連……

多逛一會後，便於碼頭巴士站分手，各自乘車回家，今日嘅行程就此完結了！