又一個星期二

今日星期二，明珠8.30繼續播放由BBC與中國合力攝製嘅WILD CHINA……

今次係講於2001年12月17日被中國政府批准改名為香格里拉縣嘅雲南中甸山區，我開頭都以為係西蔵嘅香格里拉添……不過，細心想，香格里拉~~一直被喻為人間樂土、烏托邦……但其實每人心裡都擁有一個屬於自己嘅香格里拉~~烏托邦，只是每人國度都不同……所以只要你認為佢係，咁咪係囉。

今次由亦都係介紹咗好幾個地點：

滇金絲猴……為於雪山峻嶺上之森林，牠們是吃樹上地衣為生的……

高山上嘅熱帶雨林內，棲息於樹上嘅『小熊貓』，身型肥胖，全身呈褐紅色，以竹葉為糧，我就覺得牠像一隻浣熊+臭鼬鼠嘅混合體……

於高黎頁山內嘅紅腹角雉……及以吃果實為生嘅短尾猴……

全球最密集嘅竹林地底……孕育了『中華竹鼠』，牠們以吃新竹為生……

在雨林深處還住上了二百多隻嘅亞洲象，可惜雲南近年成為旅遊新景點，文明與森林嘅界線却越來越模糊了……

亦有講述雲南山區嘅居民，把大黃蜂巢摘取後，即把其幼蟲當成美味極品吃下肚裡！

總共得六集，下一集，將會介紹西蔵呢！