咁就登陸咗，好彩今日返半畫，否則收工遇著紅雨就麻煩，仲以為可以掛八號仔，不過都無所謂啦！反正明天星期日都唔駛返工……
落埋天日雨，後日返工就唔好落喇！咪攪到頭濕腳濕，想唔風濕都唔得……
遇著洗衫但又唔好天，唯有開抽濕機，本來可以攞去洗衣舖焗乾佢，但我驚D衫、褲焗完會縮水，一係就"巢"晒……
天氣越差，屋企樓下間洗衣舖就越好生意，上星期日攞張毯去焗，見到佢地要磅洗呀，等焗乾嘅衫…一籮籮…排到出門口呢！
我選擇咗自助焗毯，價錢平成半o架，等咗十幾分鐘就到我，放咗入機set一個鐘，之後就去食晏，一切放慢動作，食完返轉頭啱啱好……
係lu~依次個風黎正假期~學你話齋~放假先黎落雨
回覆刪除昨日真係好大風大雨呀~好在著長衫+薄褸出街
入冷氣地方最易凍親囉....
[版主回覆04/21/2008 00:17:00]噚日掛咗紅雨之後，仲掛埋黑雨，但估唔到今日竟然咁好天氣！仲等我有個充實嘅假期添！
終於到左星期日，有一日舒服假期，不過唔多唔少都要做少少舖頭野，亞仔今朝食完野就俾亞二舅父叫左去佢屋企玩，唔理我啦，成個星期都好忙呀，佢又唔駛返學，仲想天氣好少少就同亞仔出去玩吓，點知俾佢飛甩左，咁細個就識得飛甩我，大個咪唔駛理我，唔通真係仔大仔世界？！
回覆刪除[版主回覆04/21/2008 00:14:00]亞仔唔係身邊，咁你咪真真正正可以休息吓，做吓自己野囉！得閒都唔搵我，唔夠姊妹噃……啍！
得閒死唔得閒病就真!
回覆刪除[版主回覆04/22/2008 00:49:00]一個月一次都得掛！?