現正懸掛一號戒備訊號！
今年第一個颱風，而家窗外面非常寧靜，有少許風，沒有雨，可惜天文台話嚟緊嘅日子將會下雨及氣溫下降，放假先嚟落雨，真係掃興……
拍檔明天開始放大假，五日後才返來，即係呢幾日要頂緊D，一腳踢，仲要經常催眠自己，不要太緊張，TAKE IT EASY！工作永無休止……做唔晒唔駛死……做唔切又唔趕嘅咪留番明日囉！星期六得半畫，星期日又放假，五日好快過啫。倒數開始……5、4、3、2、1
夏天快到，見到好多商店都換上夏日時裝，真有點衝動想走入買、買、買……可惜無買六合彩……又未出糧……都係齋睇無危險！
其實而家D貨都未上齊，可能下個月仲會齊D，又想星期六入東涌OUTLET睇吓有無月下貨買，真係人心不足！
這幾天，不停留意著電話，但總係一D推廣訊息及電話，希望打來嘅係契仔媽卻沒有，知道佢新店開將會好忙，留咗口訊又SEND咗MESSAGE都無回覆，我都唔敢再煩佢……唉！身邊嘅人就像蜜蜂及螞蟻總是在忙著，我總是在旁看著幫不了忙……其實我想做一隻蝴蝶……或者係隻蚱蜢……渡過短暫嘅人生啫！?
係東涌outlet係買乜東東,好吸引呢
回覆刪除你唔好諗得咁唔開心啦,我都經過此階段,咁就去做d自己開心事啦,一個人周圍行,就算係window shopping都滿足
[版主回覆04/21/2008 00:31:00]東涌Outlet 呢！即係360吊車嗰度呀！一個好大嘅Mall，入面全部都係名牌子嘅散貨場，佢地D貨通常係過咗季o架嘞，所以價錢比街舖平，衫褲鞋襪樣樣有，熟悉嘅牌子有：Vivian Tam、Polo、Nike、Addias，Esprit，Timberland……仲有好多我唔識嘅牌子囉！入面仲有間超級百佳，中、泰美食，仲有Food Court啦！再唔係，仲可以去酒店食個Buffet呢！去吓啦！