韓國(一)．歸來篇

五日韓國之旅話咁快就玩完咗！今個星期仍然繼續放我嘅大假，到下星期一才真真正正返工……到時就驚返到公司唔識做野喇！

今次嘅旅程與妹子玩得非常開心耶！簡直樂而忘返，若果再唔返嚟，我想我會破產呢！

點解……因為那邊的護膚、美顏用品多不勝數；T-恤、上班衣飾美輪美奐；連一些Accessories都叫人看得眼花瞭亂……例如：卡片套、Pass Port套、証件套、電話繩等等……

匯率不高不低，大約HK$6.4=>W1000，她們的紙幣分一萬、五千及一千，另外還有硬幣，因此日日都袋住幾十萬出街，買東西的時候試過幾張幾張咁數，甚至十幾廿張咁數，好誇張、亦好麻煩o架！

那邊的天氣相當晴朗，清爽不潮濕，每日氣溫大約18至28度左右，太陽高掛，人也晒燶了，但當微風吹來時，卻帶點清涼的感覺，所以外套總帶在身邊，以免著涼。

餐食安排每餐都吃得飽，除了人蔘燉雞及竹筒飯這些不能添加外，其餘於各餐中的泡菜、蔬菜、白飯、豬肉都任食任添，只要不浪費即可。

韓國特式，除導遊外，總會多一個助手負責睇頭執尾、打點一切、搬運行李及跟車拍照(用佢部相機)，今次遇到的是一個小胖子。最後亦跟他購回一套七張的相片，都要幾萬Won呢。

在景點拍攝時，由於沒有太多的時間，所以二話不說什麼也攝入鏡頭，結果有差不多七百多張相片，現仍在整理階段，希望儘快可以擺上Blog啦！

不過，接下來的幾天我都為自己安排了一些節目，看天文台預測，星期三、四又開始下雨了，遇著放假才下雨……真掃興呢！