預祝母親節

剛過去的星期六，適逢媽子無節目留於家中，我又無節目噃！心血來潮，相約媽子到九龍灣"大榮華"晚飯，預祝母親節……

早前聽聞話"大榮華"非常爆滿，若非一早到場攞位，則好難有位，當日我倆差不多17:30到達，己見門外有小數人等候，開頭還有點擔心……好彩……我哋唔駛等就可以入座喇！

坐低後，看完餐牌便開始點菜，由於只得兩個人，所以我哋只係叫咗三個餸，餸菜豐儉由人，貴到$$成千$$蚊嘅魚翅又有，平到$$50$$蚊嘅小菜亦有，佈滿成張A4紙俾你揀添，例如……蒸魚腸、山渣甜酸排骨、麵醬蒸烏頭、燒米鴨……

最後決定點：

$$90$$ 鮑汁魚唇炆鵝掌……隻鵝掌好大隻、魚唇又多、花菇又大又有咬口……

再嚟就係"大榮華"出名嘅~~$$50$$五味雞，唔係例牌，係全隻雞上……最後都食唔晒，要打包走……D雞肉好滑，亦好入味，但係就食唔出有邊五種味??!!

跟住就有~~$$90$$西蘭花老虎斑炒球，斑球好大件，好新鮮，一D都唔腥，塊魚皮仲好彈牙呢！！

六點鐘已全場坐滿，門外亦越來越多人等位喇……

佢地仲有個好出名嘅~~豬油撈飯，見到隔離檯order先記得，但當時已經食緊白飯喇，所以試唔到，希望下次可以試到啦！

最後，送埋紅豆沙糖水呢……甜度適中，仲有好香嘅陳皮味，埋單連茶芥加一成惠而不費$$290$$，媽子食得好開心呀。

出到口門，並非跨張，真係成個大堂都坐滿或企滿人，所以若果要嚟食飯，最好就五點幾鐘WALK-IN食第一輪，否則，就算早一個月前訂咗位，嚟到都要等，因為訂檯時間只得六點半及八點俾你揀，要等入面嘅人走咗你先有位。