今朝吃過早餐後，全團人便高高興興地前往手信店，梗係啦！等咗咁多日終於等到買地道手信嘅時候，之前唔係無野賣，只不過你唔會買舊"金"或買粒"鑽石"做手信掛?！
店內商品包羅萬有：木雕品~~由裝飾到實用嘅杯、碟、筷子樣樣都有；
天然水晶製品~~首飾品啦，有大有細嘅水晶樹啦；
鴕鳥蛋~~經畫師在蛋上繪上有關動物、或風景嘅藝術品；
當地土人~~嘅打獵用品、樂器呀咁囉；
除咗有皮製品外，仲有唔知係兔仔吖、定狐狸腳賣啦，亦有獅子爪賣添~~當地土人認為若掛上獅子爪將會帶俾佢好運喎……
就係咁就玩咗一個上晝……午飯响手信店附近嘅廣場食中國菜，係自費嘅，我哋叫咗個六人套餐，埋單都係R450(蘭特)，個個都食得好飽……
跟住我哋就坐咗幾粒鐘嘅車程向『獅子林』及『太陽城』進發嘞！
『獅子林』，其實係一個人工飼養獅子嘅地方，好似話呢D獅子大咗之後會賣俾其他國家嘅動物園喎！
呢兩隻已經戒咗奶，開始咬骨頭喇……
趁佢咬緊骨頭，心驚驚咁走埋去影張相先……
嗱！呢隻就未戒奶，咁遊客就可以抱起佢影張相留念，好似貓仔咁得意o架！
『太陽城』又稱"迷城"，係南非最著名嘅渡假勝地！內有四座豪華酒店；以六星級嘅"迷城皇宮酒店"最出名，"迷城"內有大型賭場、人工造浪泳池及游泳池、大型歌舞表演、亦可以參加酒店安排嘅野外體驗或者騎吓馬咁吖……
皇宮酒店內有一條叫"時間大橋"的地方，兩旁係一隻隻嘅大象雕像，橋尾有一幅很高嘅石牆，牆上雕刻咗好多動物嘅型態，每隔一個鐘，條橋就會震動，好似地震咁，仲會係地下嘅裂縫冒上煙霧，再配合四周大象嘅叫聲，都幾特別，有好多人包括我哋都專登响度等佢地震……
大家先嚟睇吓佢點靚法啦！(相片經網上轉載)
其中一間酒店，"迷城皇宮"嘅外貌……
呢條就係"時間大橋"……
其中一個酒店內嘅泳池……
屬於"迷城皇宮"內嘅泳池……
迷城皇宮內嘅人工湖，建築物係餐廳同酒店房……
晚上"太陽城"入口嘅景緻……
晚間泳池景色……
噴水池……
待續……
d骨頭好大件呀~我估我依家唔會夠膽去同d動物咁近影相
回覆刪除始終動物有個危險性咁~哈哈~我都係返屋企抱下妹妹好d啊
依個"迷城皇宮"+"太陽城"真係好靚呀
[版主回覆05/27/2008 22:32:00]我影嗰時，都好驚，我隻手作狀咋，都唔敢掂佢，驚佢擰轉頭話我左住佢開餐咪死！
Hello 迷城皇宮好美麗啊
回覆刪除[版主回覆05/27/2008 22:35:00]朋友去年頭到訪過，但佢話D裝修開始有點殘舊喎?！
四周D環境和境物咁靚,有冇唔想返回房間休息??係呢度住幾多晚??
回覆刪除[版主回覆05/27/2008 22:51:00]嗰時就覺得應該响度住五日四夜，而唔係得三日兩夜……因為佢入面都有好多野玩o架！
迷城好激啊!
回覆刪除[版主回覆06/02/2008 23:05:00]無錯，係好正o架！