天文台持續二百幾小時發出寒冷天氣警告，真的從未凍得咁耐，每日早上不到最後一分鐘都不願起來，企响巴士站，任由寒風兜口兜臉吹埋嚟，吹到無晒知覺。
晚上返到家中，嗱嗱林食完飯，睇埋電視、沖埋涼，趁隻腳仲未凍就快快趣往床上鑽睇書，因為家中無暖風機，所以凍到乜野都唔想做，無落雨都還好，落起雨嚟更加想早D大被冚過頭，瞓覺豬去！
超市人山人海，如果非必要，就的不要入去，人多買野之餘，連俾錢都排得長長龍。
百貨公司就好D，人係多，不過俾錢就唔駛排得太耐。
今日齊動手做家居清潔至兩點幾，媽子呢就負責執好個廳，做到七七八八啦！又見陽光燦爛，我就落去地鐵站商場食個TEA，逛左一陣，買埋D放全盒的糖果，就返屋企繼續洗厠所大行動。媽子抺埋神檯就落樓下電髮，好快呀，兩個鐘就攪掂！我上個月做負離子直髮就坐足四粒鐘！
過年的感覺應是這樣的： 
●一家人响屋企一齊食團年飯，雖然而家話經濟較好，又唔想屋企人辛苦，所以大部份人都選擇出街食，但我好羨慕嗰D要返屋企食團年飯嘅人！不要昂貴的材料，實實在在的雞、燒肉、魚、菜再加上愛心靚湯，已是一餐窩心的團年飯。
●由屋企人親手整的賀年食品，响我細細時候，每到新年，婆婆一定會親手整蘿蔔糕、炸角仔、而我哋就會用佢利落嚟嘅麵粉團整D蛋散呀或一D奇形怪狀嘅餅，等婆婆完炸角仔後就會俾我哋放蛋散們落油鑊炸，接著就會炸印尼大蝦片，炸出嚟有我哋塊臉咁大o架，仲會俾我哋即刻食添！想起當時情境真開心！可惜而家環境改變了，婆婆嘅手藝亦失傳了，我只學懂整蘿蔔糕，而從街外買返嚟嘅角仔，始終比一想婆婆整的好味，不獨是味道，還欠了一種親情、愛心的味道……
你家出外吃團年飯??要唔要限住時間呀??有d酒樓分三個時段吃,食得時間好急趕呢.
回覆刪除我媽媽每年都會整蘿蔔糕,角仔等等食品,好味呀,
[版主回覆02/07/2008 00:35:00]剛過去的星期六己跟家人吃過了，我哋訂18:30，食店都安排得很好，不用分三個時段。
街外的可以買得來，但無咗一份由親人整食物時的溫情及心機！