22 May, 今天要返回莫斯科了……亦即表示快要回香港，每次旅行的尾聲都有點不捨得，難捨這麼輕鬆、隨意的日子！
大家 08:45 便攞齊行李到大堂集合，09:00 先出發往位於海邊的勝利柱，分別在左右兩旁聳立著頗高及帶有雕像的石柱。
隨後大約 10:00 便來到彼得與保羅城堡 (Peter & Paul Fortress)，城堡建於 1703 年，由彼得大帝設計，建堡是為了保衛波羅的海出海口，以免受到瑞典軍隊的攻擊。
本來要塞周遭環繞著磚砌的城牆、高約 12 公尺 ，於 18 世紀後半被改為花崗岩結構。
此堡內包括有：彼得與保羅大教堂、造幣廠、工兵館、監獄……等。其中以彼得與保羅大教堂最為耀眼，此外還有一座建於西元 1724 年的造幣廠，至今仍屬俄羅斯最具規模的幣廠。
彼得與保羅大教堂，原來東正教的教堂內是不設座位的，這樣就可以容立更多的信眾……
~~~~~~~~~~~~~~~~~~~~~ 待續 ~~~~~~~~~~~~~~~~~~~~~
哩個行程是否自費，
回覆刪除我五月尾去俄羅斯，應該喺同妳上次旅程季節一樣，喺初夏！
而今次我報咗9天團，行程同妳的可能有出入，酒店內有否Free WiFi 上網？
除咗登機證之外，行程仲有乜嘢要注意下，
刪除消費方面，大約乜嘢水平，
除了俄羅斯套娃外，有無必買手信介紹下！
麻煩妳呀
sorry現在才覆你，近日很忙，因為google chrome 不再支援win xp……必須升級至win 10，但 xp其實好好用……仲諗緊，煩！
刪除我入住的酒店是有免費wifi的，訊號都很強。行李好似要自己搬上房。要開窗！
我5月氣溫是早晚涼至凍，中午有陽光時會很熱，GEOX褸全程啱用。好多室內地方都無冷氣，有点焗。
消費其實不貴，盧布可以在酒店嘅換錢機每次換US$10 or US$20洗住先！簽VISA都OK！當年US$10換300盧布。洗費可接受，一杯咖啡加蛋糕唔駛HK$80，不過去洗手間要俾錢約20盧布。買一支一LITE嘅水約20-30盧布。
見到超市就响超市買大頭BB朱古力，有一排排、有一粒粒，好多味道，手信必選。
我地團友無打包行李，每程亦無不愉快事件。
如果去莎哥斯基古城，都可以買到好多好多套娃，及FUR嘅帽。手信仲有俄羅斯蛋殼裝飾，及必買嘅伏特加，唔飲酒可以當買個樽留念。
導遊講國語，到時亦會提你們要跟大隊，遠離陌生人，勿理會流動小販。
睇芭蕾舞表演，導遊是不會入場，到時座位可能會被別人霸佔了，叫領位員都無辦法，她只會叫你在其他空位……希望資料幫到你！
多謝妳呀！咁天氣都幾凍！
刪除唔會去莎哥斯基古城
好有用嘅資料，有wifi就好喇，行李自己搬都無問題，大頭BB喺乜？？喺咪套娃咁？
導遊只識國語...若唔明，領隊有無解釋下！
妳提意的手信我一定要買！
我會小心
咁芭蕾舞座位有無分級數？
我公司亦喺用Win XP，FireFox，咁可以開到g+，
但用可惜用唔到adobe flashplay
我會趁復活節假把俄羅斯嘅blog寫完……我趕快把大頭bb朱古力手信貼出來！
刪除香港領隊會從旁翻譯……重要嘅資料，但一般歷史就唔會再多講……
你是否坐俄羅斯航空？飛機處都唔錯，仲有廣東話空中服務員。
9天唔去古城？？咁去多左邊處呢？
我就是後悔沒有買套娃形狀的伏特加酒:-(
當地有，但我地團隊嘅等級都唔差架……都叫做大堂中後排！
稍後會用住firefox上網，直至連佢都唔support win xp時先換機！