打從上星期忘記了跟契仔的約會後，今次不容有失，星期六下午已經打定電話俾契仔媽，comfirm星期日即今日的約會，無論如何風雨不改……
幸好只是上午天氣較差，中午打後天色都還可，今天可算是新界一天遊?? 首先，我哋一行五人先往科學園飲茶兼開飯，然後便往沙田萬佛寺，接著才折返佐敦會合朋友再一起晚飯！
於九龍塘集合後，便乘火車來到大學站……
然後轉乘 272K 巴士到科學園……
契仔一落車就話好熱，要除外套！
跟住當然去醫肚先啦！上酒樓前，先企定定影張相留念先……
吃飽之後，就四處逛逛，終於俾我哋發現咗隻金蛋……
契仔：『媽咪，你做乜野呀?』
契仔媽：『亞B呀，你望吓嗰邊！』
園中唯一嘅湖景……
差不多三點幾，便從科學園坐綠Van往沙田火車站！跟住便慢慢往半山的萬佛寺去……
不知多久了……只記得上次到訪我還是小孩一個……如今是帶著契仔到訪……感覺是商業味較重，不過契仔嗲依然入廟拜神，還求了支中吉籤呢！
古語云：『欲窮千里目，更上一層樓。』為了上到山頂看看好風光，所以跟契仔登上最高點的玉皇殿……
殿外有一對靈獸守護著……
大家覺得山上遠處風光可好?！
※昨天星期六，在細雨紛飛下，再次到訪『南蓮園池』補拍了一些相片，亦遊畢了『志蓮靜苑』，待相片處理好後，下星期應該可以上Blog了！
Hello
回覆刪除這裡是好去處.
我也喜歡這舒服的環境.
[版主回覆03/15/2009 13:48:00]你有空也可以去輕鬆吓！
原來我未去過萬佛寺喎
回覆刪除[版主回覆03/20/2009 22:22:00]咦！咁你有空可以試吓去囉！沙田一日遊，遊完响龍華食埋乳鴿同山水豆腐先回家！
嘩! 金蛋啊! 但銀蛋重好玩啊!
回覆刪除[版主回覆03/26/2009 22:48:00]多謝到訪，很懷念你的風趣及博學呢！
多謝, 這風趣和博學可真的愧不敢當, 但喝喝啤酒, 吹吹牛皮還可以的.
回覆刪除[版主回覆03/27/2009 21:47:00]那麼你喝啤酒，我喝奶茶吧！