煙雨濛濛的午後……
置身於湖邊、帶點歐陸味道的建築物內……
為的是要與友人預祝生日……亦是補祝生日嘅延續……
可惜不該出現的卻出現了……
輕輕的她為湖上周邊都披上一層面紗，使遠處景物有點虛無飄渺的感覺，近看卻如夢似幻……
於對岸回望身後建築物，背後山巒隱於霧中……
沒有被她打擾了心情，繞著湖邊散步，空氣清新得使人貪婪的多吸幾口……
好大隻螞蟻，確有手指尾指甲般長呢！
小路樹枝上的枯葉，雖經歷了寒冬，但仍緊緊的繫在樹枝上，是彼此都不願分離嗎??
嫩綠新葉，遙遙地跟紅花相映……
餐廳除提供一般主流的西式美食外，更備有鹿肉、駝鳥肉、鱷魚扒、烤中東小羊腿、黑豚鞍扒伴紅酒蘋果等特式菜餚 任君選擇……
燭光晚餐，只差了點音樂伴奏……
我order的駝鳥扒配黑椒汁……
再跟青蘋果石榴汁特飲、另配小型藍梅芝士餅作飯後甜品！Yummy！おいしい！
於室內、或室外享用晚餐氣氛均是不錯的……
要是在室外，大可有俊男美女跟紅酒相伴，讓酒不醉人，人自醉；花不迷人，人自迷啦！
要不就在室內，與家眷大小、或高朋滿坐相聚一刻，情緒高漲，氣氛熱鬧，更是不可多得……
夜幕降臨，大地漆黑一片，除了建築物本身的燈光外，就只有四周零星落索的、及對岸昏黃的燈光……
但每當火車從遠處經過時，她那一串串幽幽的金光就像穿破漆黑時空，飛快地邁進無盡凡塵境地……加上雨粉點綴的特別效果，竟成一副精緻的相片。
用新相機影架??好靚喎.
回覆刪除[版主回覆02/25/2009 22:37:00]淨係部機得呀！我都得得哋噃……等我用熟呢部機先，然後再向prosumer機出發……
依道真係好清優呀~果次下午去我都無食過餐
回覆刪除嘩...嚇死我啦~好多大蟻呀
[版主回覆02/25/2009 22:40:00]咦！同道中人……環境真係唔錯o架！連坐低飲杯野都無呀?
呢處地方和環保真的不錯, 我上次星期日下午去, 重見証了人家一埸婚禮.
回覆刪除然後先至再 HIGH TEA!!
[版主回覆02/26/2009 22:09:00]咦！好地方果然多人識……個High Tea得唔得呀?
係米大學站附近，幾多奇怪野食，你影得唔錯，努力加油
回覆刪除[版主回覆02/27/2009 22:13:00]唔係大學站，係下一個站！
HIGH TEA 的水準都唔錯呀! 妳部機唔錯, 不過我都係想買G10多的, 依家應該有貨, 因為有位家人前天已經搶閘買左啦!!
回覆刪除[版主回覆02/27/2009 22:24:00]家人既然買咗，咁你就唔駛咁心急買喇！
因為你應該借嚟睇吓、試吓，然後再作決定都未遲！
哈哈, 好提議!! 等我找一日借來玩下先!!
回覆刪除[版主回覆02/27/2009 23:10:00]等你的用後感！