晴天霹靂

『喂！有D野同你講！』

『啊！有咩野講呀！』

『我明天下午要請假……』

『好呀！無問題呀！』

『我要去醫院……』

『吓！你無事吖嘛！』

『我無事……不過我有咗！明天要去搵醫院登記！』

『有咗……恭喜晒噃……預產期幾時呀?』

『……今年九月。』

『……咦！咁即係今年你唔會俾人叮走啦！』

『……係呀！有免死金牌喇！』

『咁……睇怕我都唔會係被叮啦！咪到時邊有人做野呀！』

『無錯……無錯！我哋今年都應該好安全！哈！哈！』

以上就係我今日同拍檔嘅對話喇！

恭喜我嘅拍檔榮陞為媽媽，
仲有四百萬揸手添！
(養一個小朋友要四百萬吖嘛！)

預祝佢生番個精靈嘅牛仔BB！

 

 
咁响嚟咁嘅日子，
我將要喺九月前清大假，
接著就要孤軍作戰三個月??