繼續的探訪

 
繼續的往醫院探訪老友記，
黃婆婆仍帶點咳嗽，我到達時，
她正在吃姪孫女帶來的晚飯，
既然有親人在旁照顧，
我亦不作打擾及逗留，
只跟她們閒話了一會便離去……
 

之後便走S座樓下的7-11……買了一瓶利賓納，因為羅婆婆想喝，我上次承諾再到訪時會帶給她一小瓶。

婆婆見到我後……卻忘記了我是誰，但當我拿出利賓納的時候，她就笑得很開心，並說記得我曾來探望過她……

我倒了一些給她慢慢的喝……並跟她一句搭一句的閒話家常……

~吃了飯沒有……今晚有什麼餸！

~食咗囉！有菜、有肉，不過無湯又無生果，D肉又無味……

~家食清淡些，健康吖嘛！咁晏晝有無生果呀？

~晏晝就有……

~今日坐起來，精神好好多……

~好辛苦，張櫈好硬，好想瞓番上床……姑娘又唔俾！

~坐起身望吓窗外嘅風景，唔好咩？

~唔好，瞓响床好似攣弓蝦米就最舒服

~晚上睡得好嗎？

~都幾好……

~有沒有朋友來探過你？

~無……(無？？)

~電視機有沒有嘈著你睡覺？

~無……我想飲水，你倒些水給我……

~飲少少啦！姑娘唔準你飲得太多

~你幫我拿支白花油……

~你見邊度唔舒服？我幫你揸……

~我個頭有點痛、肚有點風，要出院後去看中醫

~咁你就要食多點飯菜，有氣有力先可以出院

~我明天出院了，姑娘話轉我去九龍醫院

~轉去九龍醫院，那處空氣清新，多見樹木仲好啦！

~係啦，九龍醫院好過呢度！伊利沙伯都好過度，呢度D姑娘唔彩人！

~佢地可能忙，你有事找姑娘可以禁鐘仔……

~你幫我攞隻蕉……

~响邊處？

~响櫃桶囉……無咩？

~見到喇！有兩隻蕉……邊個買俾你？

~個教友嚟探我時買俾我……

~咁仲有無其他教友探你？

~仲有個教友响呢度做野嘅，呢幾日都有嚟探我……

~你係病人邊位？夠鐘要走喇！

~啊！姑娘……我係義工……就走喇！

~病人明天會轉去九龍醫院……

~我知道，我會通知中心……

~姑娘呀！我想返上床呀！

~你慢慢食埋隻蕉先啦！唔駛急，姑娘陣間會幫你……

安排了乾、濕紙巾給婆婆抹嘴後，並知會姑娘幫婆婆轉返床上……

來到樓下大堂，致電給楊姑娘匯報了兩位婆婆的狀況後……便返家去了！