大約兩小時左右便到達入住酒店的門口~~京基海灣大酒店。
經過一輪手續check in，終於可以提早拿到房間，太好了！
開門步進躺大開揚的房間，站在露台可見盡處一點點的海景。
放下行裝後，便向喜來登酒店方向前往……咱們目的是想一睹這間五星級酒店的風彩，亦想預訂當晚的自助餐，可惜當晚餐廳已被客人包下全場……唔做我哋生意！
接著我便往華僑城去，入口處並不見人潮，入園後人流亦不稠密。先往登記拍照以存檔，以便第二天再度入園。
首先來到了《大峽谷》前的人工瀑布……但卻感受不到那磅礡的氣勢。
我們先往《海菲德小鎮》吃午飯……大家各自order了一份五安士的安格斯牛扒餐，有牛味，不差！
吃飽飽後沿著《海菲德小鎮》湖畔邊攝邊走……
之後走了兩轉才找到乘坐『叢林纜車』的位置……是我看地圖的能力差嗎？新鮮玩意，只得半頂的纜車，在啟動時車子從後往上爬，清風從三面吹送確舒服，亦可一看前面無敵靚景，可是下雨時就不好受了！
很快就來到大峽谷的第二個景點：《雲海高地》……以古瑪雅色彩作佈置。
在山頂上夾著涼風送爽之餘，四周視野亦頗清晰，更可眺望至遠處天海相連、吊車等大華興寺。
踏上伸延至懸崖之外的U型透明玻璃天橋，雖然高居臨下全是叢林懸崖，但全沒有半點畏高之感。
走在架空長廊上，身子輕一點，也可能被大風吹起。
~~~~~~~~~~~~~~~ 待 續 ~~~~~~~~~~~~~~~
有排放相lu
回覆刪除[版主回覆07/12/2010 22:40:00]我無你影得咁多……你次次大堆頭的！
我嘅相要精挑細選先得！唔似你影得咁有技巧……呢！
賢妹最近時常出外, 是否有很多假期呢?
回覆刪除[版主回覆07/12/2010 22:44:00]大假不算多，但假總要放的……我今次只不過攞咗個星期五放啫！
好精彩既一天，sheraton間酒店似科學園，而京基hotel好多木柱就好有泰國feel
回覆刪除[版主回覆07/12/2010 22:51:00]似咩？我同好友都覺得大堂感覺非常舒服，可以懶洋洋地、什麼也不用想的 hea 响梳化……
個酒店房都幾大，張床仲係king size... 一定唔會發惡夢
回覆刪除[版主回覆07/12/2010 22:53:00]我沒有發惡夢，希望好友也不再發惡夢……
近日熱門之地~好多人都去華僑城玩呀
回覆刪除[版主回覆07/13/2010 21:14:00]唔……可以一去的！因為都有拍照的好地方！
回覆刪除當然是沒有USA大峽谷震撼.
[版主回覆07/13/2010 21:18:00]係一點也不震憾呢……哈哈！
我嘅相要精挑細選先得！唔似你影得咁有技巧……呢！ => 妳... 好.....野.... 看來京基的房都不是好大wo 是大我間小小, 但貴多多 我的床都是大 size ga.. can lying horizontally btw, 妳個 package 包什麼, 要幾多$$ 呀 ?
回覆刪除[版主回覆07/13/2010 21:25:00]=> 妳... 好.....野.... 多謝讚賞
看來京基的房都不是好大wo 總之大過你間房就得啦！
妳個 package 包什麼, 要幾多$$ 呀 ? 包一晚房、兩日入場、來回直通車
是 wo.妳間 hotl toilet 有無水"光" ? 定又是站 bath only ?
回覆刪除[版主回覆07/13/2010 21:29:00]嘩……差不多五星級嘅酒店！ 浴缸、同花灑點少得o架……仲有獨立廁所間，如果無……我真係接受唔到囉！
其實果個叢林纜車我就有少少驚
回覆刪除[版主回覆07/13/2010 21:41:00]驚？？你有無坐過？我都無貼行走中嘅相片……
好安全o架，一點也不刺激。
有坐過呀，其實坐纜車當然不會太刺激，最刺激係驚佢D纜索突然鬆脫衝落山0者~~~~你都知大陸的維修係幾咁……所以你話刺唔刺激先，搵命博架喎
回覆刪除[版主回覆07/16/2010 00:13:00]啋！你坐飛機時都唔會諗住墮機啦！
時也命也，係你就係你，避唔過嘅！唔驚得咁多喇！