人山人海，人頭湧湧……邊度?? 咪就係星期日太古JUSCO囉！
翻裝修後重新開幕，便與妹子一起過去趁熱鬧，點知真係多人到嚇死你！响超市逛咗個圈，買咗小小野就さようなら！
最特別； 就係見到五隻福娃喇，大大隻，成個人咁高，比起之前見過嘅靚好多，所以都有好多FANS要同佢哋影相呢！
原來當日做緊『沖繩節』，有好多代表嘅物品都有做推廣……試食咗菠蘿，酸酸地唔夠甜噃！
我都有買到沖繩海鹽。
當然還有其他與日本有關嘅美食啦！
例如：味噌、日本米……
又有一粒粒嘅三文魚子及鱈魚子賣，仲歡迎試食呢！Oh, No！
基本便當，梗係唔少得啦！
竟然有為你即買即燒嘅串燒……
最後加埋甜品就完成一頓美味嘅眼晴大餐喇！
後記：裝修後地方闊落D，超市那層取消咗美食廣場，反而將佢變成一間間小小店舖，及外賣式店舖，減少大量人潮聚集(其實都係咁多人)，另外圍著超市四周……賣朱古力、清酒、日本菜、蛋糕嘅Counter就跟日本模式擺賣，仲以為自己响日本呢！我會擇日收工後再去過，希望到時無咁多人呢！
嘩...裝修後真係勁多野賣呀~好吸引
回覆刪除我都想搵日去行下呀...
[版主回覆07/23/2008 23:31:00]好吖！不過要平日去好d，建議留肚去試佢地嘅新食品，不過唔好買太多野，免得揹到腰酸背痛呀！
Hello 我會去逛逛
回覆刪除[版主回覆07/25/2008 00:06:00]你不用趕著去！あなた は 日本 の デパートとスーパーマーケット へ 行きます。
小妹：
回覆刪除兩星期前去過，太多人啦，食個tea都唔得！
為有行了一個圈就走人。
Diy
[版主回覆07/25/2008 00:07:00]係呀！你都有去呢！真係太多人喇……有機會再去過啦！
天氣咁熱，多數人都係搵有冷氣地方行下，所以周圍商場都幾多人，吉之島幾多日本食物買，CitySuper就買外國食物多
回覆刪除[版主回覆07/25/2008 00:25:00]咁…你鍾意日本食物、定外國食物多d呢！
我覺得日本啱口味d，份量啱啱好，外國呢份量太大喇……由其係佢地最鍾意食又乾、又凍、又硬嘅麵飽，我就怕怕喇！
外國野就腸呀,羊扒都幾鐘意食... 日本野我就比較鐘意天婦羅同鐵板燒，拉麵都係唔錯既選擇......
回覆刪除[版主回覆07/28/2008 21:37:00]想起當年响瑞士鐵力士峯食牛肉腸及豬肉腸意粉，兩條腸嘅圓周<=>一隻碟咁大，見到已經飽咗喇！
都係日本菜啱口味D！
有咁多美食,你全部都買晒返屋企??月前我都到過,裝潢緊,而家整好,我要再行一行先,上次去係平日,現在要周六/日喇.
回覆刪除[版主回覆07/28/2008 21:34:00]我淨係買咗包鹽返屋企咋！
咁你就要預好多、好多人同你一齊迫喇！
我以為你買晒相片的食物添
回覆刪除[版主回覆07/29/2008 23:22:00]我都想，不過山長水遠咁托返屋企，不如睇完就算吧……