星期六，承蒙契仔嗲媽不棄，肯帶我呢個大鄉里出去玩，梗係第一時間舉腳報名啦……
一行七人，帶齊食品、裝備浩浩蕩蕩咁出發喇……去邊度呢?? 去燒雞翼囉……目的地呢?? 睇落去你就知！
中午時份，從『尖東』港鐵站出發去『烏溪沙』，先乘列車往大圍站……
然後再响『大圍』再鐵往『烏溪沙』站……
上到月台……竟然送車尾……
見唔見到我哋D裝備呀，仲帶埋長短〝槍〞……sorry，係長短魚竿先啱！
成八個站，有排坐……瞓陣先啦！
到喇！終於到咗喇……呢個係視障人視嘅發聲指示圖……給予她們指示及協助。
離開B出口，就步行到隔離綠巴站坐 807K 小巴往三杯酒……點解唔叫兩杯或四杯酒嘅??
十分鐘到車程就到咗三杯酒總站喇……
一行人落車後，便跟住小路入村……??
原來穿過村屋，出到後面，就見到有個私人碼頭……但係我哋仲要繼續行呢！
沿路見到呢隻黑羊响度食草，佢有人養o架！
對面嗰三個小島，就係『三杯酒』喇！
又行咗幾分鐘，沿途唔得樹木咋！我仲發覺係無行燈o架……咁今晚點行返出去呀契仔嗲?！
又見到靈芝喇……
汗流浹背……終於到咗上船嘅碼頭喇……
……待續……
咁熱去BBQ,太陽佰佰咁勁,唔中暑,你都叻啦.
回覆刪除[版主回覆07/28/2008 21:47:00]其實攪得嚟都成三點先開始，其實都變咗水人o架！但當海風一陣陣吹埋嚟嘅時侯，就覺得好舒服，好值得！
依個地方未去過，係米要自己搭爐... 我上次跟朋友去大澳門(近將軍澳)bbq都幾熱，要囉埋衫去換....d腸未熟個人已經變左炭.....
回覆刪除[版主回覆07/29/2008 00:13:00]唔駛搭爐o架……下集揭盅。
係就係熱咗D……但想去玩，就算辛苦D都抵嘅！