今天是最後一個機會上冰川，終於，冰川之行無望了，就連領隊都覺得我地黑仔，係退番D錢俾我地o既時候，他都顯得非常(對D錢)依依不捨，哈哈！
我們離開酒店後，先後到利加寶湖(Lake Pukaki)及特卡波湖(Lake Tekapo)遊覽，她們的範圍很大，可以遠眺庫克山(Mt. Cook)的美景，及南阿爾卑斯山脈，可惜見到山頂被雲霧遮蓋著，在湖邊風刮得很勁！
前面就是庫克山o刺！
遠望就是南阿爾卑斯山脈！山頂好多雲啊！
行近d睇吓！
再行近d！
後者的湖水係乳藍色的，靚得很古怪，領隊話由於湖水裡有些特殊的礦物質成份
，所以得咁靚囉！湖邊還有一座小教堂及紀念牧羊狗的雕像。
背晒光！又幾靚吖！
藍得有道理！
掉轉頭影番起點，原來係咁！
好幾天都沒有好好消費的地方，所以午飯過後，領隊便帶我們到手信店去，
店內有所有的羊毛製品，羊毛毯、羊毛衫、羊毛襪......食o既有花/果茶、蜂蜜、蜂皇漿、蜂臘...... 果乾啦、果仁啦、奇異果朱古力(朱古力包著奇異果醬)，吉百利嗰隻牌子好味D(喺外面買的)。羊脂製的潤膚霜、口唇膏、羊奶片(原味很難吃的)、最多人買的是羊胎精華素(都幾貴o架)，個個大包小包的買到不亦樂乎！
喺入面只顧住買野，都唔得閒影相，呢相喺手信店外面的公園等上車時影的。你估佢地做緊咩呢！？.......
......係話世界上的人要相親相愛、和睦友愛呀！(都係領隊講o既)
有好靚的櫻花樹，原來櫻花樹不獨日本專美的！
往聖堂市途中的大牧場！
其實有好多錦羊o架，不過要zoom到好...好...遠！
然後再坐多一小時車就到聖堂市，先參觀了她的博物館。
又再到市內的Duty Fee店買手信，今次主力推紹紅酒及Ice Wine，團友們都落力支持！
廣場一角。
聖當市廣場內的教堂。
晚飯後返回酒店，收拾行裝及準備早些上床，
因為我們將會於早上四點三出發到機場坐內陸機返奧克蘭再轉機返香港，早餐於航機上吃。
就係咁，八天紐西蘭南、北島之行就此劃上句號
。多謝大家欣賞！
我們第一天已經俾定錢，等住今朝早坐直昇機上冰川，
可惜又係因為天氣唔好，所以取消咗！雖然陽光普照，但山上天氣不隱定的話，飛行員將不會冒險的。
博士峰：坐吊車到600米高的山峰食自助午餐，嘆紅酒伴鹿肉，開心吖！但本來山上仲有得玩滑翔降傘、小型跑車、滑山橇車o架，又係嗰句，天氣唔好，唔開囉！
見到遠處山上的厚雲嗎？
雨後彩虹，好大條呀！
箭城：是十九世紀時尋金者聚居的地方，只得一條街道，街道兩旁還保留著商店、郵局、銀行、餐飲店等……似西部牛仔咁樣，街內有一間售買金飾及未打磨的金塊，亦有一間專買駝羊毛製品的店舖。
笨豬跳台：高台下是河流，一躍而下，我估所有煩惱都沒有了(因為到時腦內裡一片空白)。
又一日o刺！今天係自由活動，但全團人都自費參加『世界八大自然奇景』之稱的”Milford Sound”(美福灣)，沿途停了兩、三個景點拍照。
沿途經過最出名的"鏡湖"，湖面沒一點漣漪，她把天空、樹木及背景全都收納在其倒影中，就好像把一面鏡子掉到地上。
路過的瀑布區域，流水沒有特別，但特別是這些岩石是經流水上千百年沖擊而成的岩洞。
此峽灣是由億萬年前冰河時期，經冰川侵蝕而遺留下來的奇景，乘遊船可觀賞到灣內的懸崖峭壁、仙女瀑布、灣外的海豹、海豚、甚至鯨魚等等…
到達碼頭，要上船o刺！可看見天色不好。
船經過仙女瀑布。
可惜由於天氣唔好，又落大雨，船長曾兩度欲衝出海灣至克庫海峽，可惜橫風橫雨，風高浪急，隻船拋得好勁，為安全計唯有折返，所以看不到海洋動物生態，俾咗錢，晨早坐成五個鐘頭車先到最南端的碼頭o架，仲唔包午餐添，幾唔抵呀！(呢D只係開始咋！)
好彩，晚上全團人夾份吃火鍋，由領隊安排，天溫只得5度，絶對正斗！先來三文魚及龍蝦刺身，接著火鍋料有鮑魚、鹿肉、筍殼魚、鷄牛豬內等…甜品還有冰凍杏仁雜果豆腐花、炸香糕、炸雪糕，大家食到捧著個肚返酒店。
前後逗留了唔夠兩日就要離開奧克蘭了，
坐晨早內陸機飛落南島~~丹尼丁。到達後雖然天氣晴朗
，但寒風不能看小，要穿羽絨o架。
中途休息站旁的教堂。
寶雲街(唔係寶靈街)：佢入了健力士大全o架，有咩特別，就係因為夠”斜”，有相為正。
行到斜路頂向下望，無晒氣！
開始慢慢好小心咁行返落嚟！
行到落底影返上頂！
午飯過後，我們便坐高山火車遊佐治峽谷：火車卡兩邊的窗都改成一大幅玻璃，直到車頂，它帶領遊客穿越~~南阿爾卑斯山脈，能在多角度下欣賞峭壁、深谷河道、高架橋等美景。
丹尼丁火車站。
在平地開始時的風景。
火車在峭壁邊行走。
經過的河谷。
離遠見到的高架橋，我們將會經過的！
拿，過o刺，過緊o刺，好刺激，唔敢向下望呀！
差不多坐了兩個多小時火車到”龐克郎濟”車站下車，
途中有停留點給遊客拍照。然後我哋就要坐番三個鐘頭車程去皇后城，都幾悶o架！仲落埋雨添！所以就...z.Z..z...Z..
。
途中我們到達Mrs Jones的生果園，坐車屈咗咁耐，大家都落車走走，有好多好多生果及果醬，但係我哋梗係買黃金奇異果及普通奇異果啦
！兩隻都好甜好好味，而且又平又大隻(香港好少見咁大隻，就算有都買成三蚊隻)。
終於到達皇后城：是一個小鎮，是一個旅遊區，區內有很多招待日本人及韓國人的店舖，咁唔駛講都知咩人嚟得最多啦！
