對面其他嘅魚排，有D真係養魚嘅，謝絕觀光，有D就一樣供應遊人玩樂：除燒烤、釣魚外，還可以游乾、濕水o架！聽講話仲可以租一個獨立有冷氣嘅魚棚住番幾晚呢！
回頭望番我哋個魚棚……
行完返去，蕃薯煨得啱啱好……好味道呢！
食完又再嚟玩過，今次玩吹泡泡……有契仔媽陪埋玩，契仔當堂開心番晒！我就梗係做攝影師，幫佢地母子影低D咁溫馨嘅片段啦！
一輸激戰後，又到咗夕陽無限好，金光閃閃嘅時候喇！可惜已是近黃昏。
話咁快，個太陽就落咗山，天空及水面泛著一抺嫣紅……
漁燈點點……
天都黑齊……又係時候講ByeBye……我哋要走喇！响魚排邊等船時，就見到呢個超巨型嘅水箱，原來只係其中一個咋，佢為魚排上提供保貴嘅食水o架！
黑漆漆的，沒射燈照著，什麼也看不到……我哋坐番呢隻艇返回落船嘅碼頭……
我哋返上碼頭開始，便要摸黒前進……沒有電筒，沒有月光，只靠各人手提電話發出嘅微弱光線及電話相機內嘅發光燈引路，好不容易才返回小巴站……
終於返到鳥奚沙港鐵站喇！
契仔已經無你咁好氣，瞓番覺先……
返到市區，己經成九點幾，一個非常之好玩，仲玩得好臭，玩到散晒嘅旅程就係咁完結咗喇……旅程中我飲咗三支水，一罐可樂及一包檸檬茶，坐低食晚飯仍不停的飲茶，唔多覺返到屋企已經係零晨時份喇！
嘩.....你依日真係山長水遠~不過環境好好咁BBQ
回覆刪除熱天我就比較少BBQ~晚上坐返船出去~真係都幾黑好危險咁
[版主回覆07/29/2008 22:46:00]我咁大個女都係第一次係香港坐快艇、上魚排燒雞翼、同摸黑行路咋……不過都好好玩吖！
小妹：
回覆刪除莫講話在魚排燒嘢食，喺郊外都十幾年未試過，最多在屋苑會所攪過，
好懷念呀。
Diy
[版主回覆07/29/2008 22:48:00]若你賞臉……下次叫埋你啦！我都好耐無燒過雞翼喇！仲要係天時暑熱博中暑……哈哈！
好玩咪得囉, 星期日約左妳啦, 再戰BBQ!
回覆刪除[版主回覆07/30/2008 23:38:00]真係唔怕你呢！只擔心天氣唔好咋！
魚排bbq我都試過一次，唔駛同人逼仲坐得舒服有海景睇
回覆刪除[版主回覆07/30/2008 23:40:00]天時暑熱又真係辛苦咗D嘅，秋高氣爽就舒服好多，有機會都會再去呢……
不好意思, 請問如何可以租魚棚bbq 呀??
回覆刪除麻煩你回覆:)