嘆過早餐後，便往商場裡去，而目的係……
目的唔係逛商場……
而係去……超級市場，看看……超市內竟有如此特別的酒樽、及這麼小巧的瓷器冷水壺呢！不過都唔係買呢d野！
要購買的目標物品……估吓買嚟做咩??
返到妺子家中，我便開始準備製作蒜蓉牛油及打包以下食品……
為的是……兩點鐘開始嘅BBQ……到達會場，不過唔係用呢個爐……
放好所有食物後，大家就一D都唔客氣，開始燒雞翼、燒香腸去……
仲有美味嘅牛扒、雞扒、豬扒、牛丸、魚蛋及棉花糖……
喺大家不停地食、食、食及講、講、講，話咁快……三個鐘頭就咁過咗喇！食物、飲品全無浪費，八個人全部把它吃過清光……
曲終人散，又係時候講拜拜……只餘下空凳……
今早睇報紙時，見到一則外電新聞，話說芬蘭除咗有聖誕老人村外，每年亦會興建一座大型嘅『冰雪酒店』，講到明係用冰雪嚟砌成的……
她於昨天開始便開始招待賓客，直至明年四月融雪的時候。今年酒店建造了30間客房，同一時間可供60名旅客入住，亦設有冰酒吧及冰餐廳提供餐飲服務，戶外亦建有冰滑梯及擺放了冰雕可供欣賞。
你估有咩資格先可以入住吖?…… 當然係要唔怕凍嘅人啦！因為每間房嘅氣溫只得零下五度?！房內只得冰床(小龍女瞓嗰張??)、睡袋及毛毯、當然可自備羽絨被啦！但若果真係抵受不住寒冷的話，都仲有兩間溫度位於零度嘅房間俾你瞓嘅！(好似幫助不大噃！
落雪嘅地方我會去，但要喺一個咁凍嘅環境下睡覺，我就唔會試，我怕一係就瞓唔著，一係就瞓咗唔醒(低溫症?！
咁嘅地方未去得到都要望吓嘅，我就轉載咗有關冰酒店的相片，望『冰』止渴先！
酒店外貌
酒吧、餐廳及教堂
酒店房，度門穩陣嗎??
點解呢間有皮草舖床嘅??
若有興趣，可登入以下網址睇多d：
http://www.visitfinland.com.hk/home/accomodation_03_08.shtml
過去的三天假期，本來早作安排，可惜人算不如天算……終於失了預算，唉！
而打發多出來的時間，最好就是走訪各大商場，搜購契仔及大、小靈精的聖誔禮物，而大靈精更要多備一份生日禮物添……不過還未知她的生日派對安排在那天舉行，小朋友的禮物就易揀得多，但大靈精已是一個四年級的小女孩，要選擇兩份別緻的禮品，確實有點頭痛！
聖誔快將降臨，見到城中大小商場都陸陸續續換上一身應節的打扮，店舖總是貼上減價標語，目的都要為了吸引顧客，乘著場內歡欣氣氛的感染，大破慳囊……
我唯有硬著頭皮，深入敵方陣地，身犯險境，以速戰速決之策，務求盡快抽身而回，減少$$$$$的犠牲，幸好，不費吹灰之力，契仔及小靈精的禮品已一擊即中，餘下大靈精的禮品仍在尋找中……
到底是益智圖書? 華衣美服? 精品小玩意?? 到現在我都未有決定……
至於自己的聖誔禮物?? 並無特別選購，因為我認為一月份才是減價的高峯期，況且我不擔心買不到心愛品，而係對明年的狀況不太樂觀，不敢大肆花費！作Window Shopping ，滿足了即時的慾望便算了！
雖然如此，我都不忘把途經的商場佈置拍攝下來，以下就是我所到過的商場喇！
有無人知道"胡桃夾子"的故事呀?? 通常係响聖誕時候播映的。
我最喜愛的教堂彩色玻璃窗feel，想起子夜彌撒……
維尼也來湊熱鬧呢！
藍色……給人冰冷的感覺，但我却喜愛她夠Cool！
什麼東東?? 一點也不吸引啊！
夠潮又夠 In 嘅聖誕老人呢！
跑完各大商場，就好似做咗成日GYM 咁……無命喇！
