今早睇報紙時，見到一則外電新聞，話說芬蘭除咗有聖誕老人村外，每年亦會興建一座大型嘅『冰雪酒店』，講到明係用冰雪嚟砌成的……
她於昨天開始便開始招待賓客，直至明年四月融雪的時候。今年酒店建造了30間客房，同一時間可供60名旅客入住，亦設有冰酒吧及冰餐廳提供餐飲服務，戶外亦建有冰滑梯及擺放了冰雕可供欣賞。
你估有咩資格先可以入住吖?…… 當然係要唔怕凍嘅人啦！因為每間房嘅氣溫只得零下五度?！房內只得冰床(小龍女瞓嗰張??)、睡袋及毛毯、當然可自備羽絨被啦！但若果真係抵受不住寒冷的話，都仲有兩間溫度位於零度嘅房間俾你瞓嘅！(好似幫助不大噃！
落雪嘅地方我會去，但要喺一個咁凍嘅環境下睡覺，我就唔會試，我怕一係就瞓唔著，一係就瞓咗唔醒(低溫症?！
咁嘅地方未去得到都要望吓嘅，我就轉載咗有關冰酒店的相片，望『冰』止渴先！
酒店外貌
酒吧、餐廳及教堂
酒店房，度門穩陣嗎??
點解呢間有皮草舖床嘅??
若有興趣，可登入以下網址睇多d：
http://www.visitfinland.com.hk/home/accomodation_03_08.shtml
我有一個奧地利朋友(香港人), 他曾經入住類似酒店, 不過他說不是太凍, 因為有 皮草舖床!!
回覆刪除[版主回覆12/12/2008 22:57:00]係啦！否則真係凍死人咩！
呢間冰冰酒店,無線既旅遊節目都介紹過,仲有冰酒飲架.冇熱野飲
回覆刪除如果有機會去,我都會試一下,
[版主回覆12/12/2008 22:58:00]好呀！你幫我試埋瞓張"寒冰床"啦！
訓過寒冰床,有好運,冇得檔.
回覆刪除[版主回覆12/14/2008 01:25:00]直情靚過小龍女！
訓完會唔會傷風
回覆刪除[版主回覆12/14/2008 01:31:00]唔會知自己係咪傷風，因為己經完全麻木咗，無晒反應！
瞓完有冇小龍女咁靚先? 至陰至寒, 會唔會俾寒氣入左五臟六腑架
回覆刪除[版主回覆12/15/2008 22:46:00]直情靚過小龍女啦！有無聽過：冰肌雪膚呀！
咁就要睇吓你嘅內功修煉成點喇！