參與者共八人，有久未碰頭嘅 zidder (呀Sir)、及hms……
18:45去到食肆，可惜訂了19:00檯卻未有位，要站在門口等……
好開心wlam話我差完電返嚟後容光煥發咗！
呀Sir一見到我就問我去尼泊爾玩得開心否？會否考慮明年六月跟他一起返愛爾蘭老家，自駕遊玩三個星期……
我笑說道：放完三個星期假……以後都唔駛返工喇！你哋玩自駕遊，我又唔識開車……況且我明年已約好朋友去埃及……所以no喇！
hms就叫我唔好去埃及，因為佢去完之後發覺唔好玩……話見到金字塔唔會有驚喜！反而叫我去伊朗……另外又問我之前去印度好玩否？佢考慮自由遊……我話：我都係想去睇吓金字塔噃……其實當你見到泰姬陵後，可能會發現同你見到金字塔個情況一樣！
仲有CK就問我為什麼去尼泊爾都唔順便行行山……還說莫Sir明年農曆年間會再去尼泊爾，不過今次唔行山……
我回應說：莫Sir唔行山？唔似佢作風……我今次跟好友去，只預算看古蹟及風景，都無準備行山，下次啦……下次再去的話起碼行三日兩夜……但成個trip就要差不多十一、二日……
大家嘅對話被陸續上檯嘅餸菜打斷……話題轉到食物上……飲唔飲嘢、影晒相未……好辣呀、唔係吖！
碗、筷要唔要洗？唔駛喇……大菌食細菌啦！
冬陰功湯……無陰功，好辣呀！
好好味嘅蒜蓉飽……新鮮！
炒通菜……點解都係辣嘅？sam pig你點叫餸o架？
黃咖喱雞，好香椰汁，唔係好辣，幾好味！
生蝦……唔夠彈牙，個蝦頭就攞去酥炸……
綠咖喱豬……ok啦！
串燒豬及雞……
炸蝦餅……
應該係前菜嘅……木瓜沙律，竟然唔追都唔上！
兩粒鐘嘅飯局，在大家茶餘飯飽之下完結了……結帳每位$78，但間食肆實在係太唔得……唔會再有下次！
所以有什麼不妥都由佢擔當！ => wah ! 以後都不敢再叫大家食飯呢 xDDD
回覆刪除[版主回覆11/16/2010 00:03:00]你諗你……你怕什麼？你什麼也不怕……最怕呀邊個囉之碼！
個買相都ok...why唔得呢，邊間呀 ... 伊朗都幾神秘．．．．不過都係睇寺廟同修道院多
回覆刪除[版主回覆11/16/2010 00:05:00]味道ok……不過招呼就麻麻……
唔知伊朗安唔安全呢？
埃及係四大文明古國，都值得去下
回覆刪除[版主回覆11/16/2010 00:06:00]yes！明年起程……
我去埃及時, 可以接近金字塔, 據了解, 現在已經被攔阻了.
回覆刪除http://hk.myblog.yahoo.com/gordonorgordon/article?mid=769
[版主回覆11/16/2010 00:09:00]唔知而家點呢？……不過我睇d章程，係帝王谷好似可以入去某個金字塔內部……就係要响佢未破壞晒之前去望吓！仲有個黃金面罩……
埃及都ok丫，不過如果怕熱就揀冬春季月份囉，我去時係6月中，已經好熱，中午有五十度，乾晒既熱的程度係令你無可能中午在無遮無掩的戶外停留超過十分鐘的 大部分活動都要在大清早和四時後做，中午係訓覺時段 帝王谷唔係睇金字塔架喎，佢近樂蜀果邊，係睇法老王的陵墓，築在山裏，有幾個陵係開放。如果要行入金字塔，我估你係講近吉薩果三個大金字塔，其中一個金字塔係可以捐入去的，不過條甬道非常窄，全程要捐底身才入到去，而且同時有人出出入入，都幾鬼逼的，而且幾焗，大約彎身行三四分鐘入到墓室空間就會大D，入面有幾個室，不過其實無乜野睇，因為已經搬晒出去開羅博物館，然後又要彎低身咁捐返出黎囉！ btw，圖坦卡門個金面罩也是在開羅博物館內，所以即使去到帝王谷都係唔會睇到金面罩同棺槨的實物，只有圖片，實物全放在博物館內！
回覆刪除[版主回覆11/17/2010 00:08:00]多謝豐富資料……
yes，去帝王谷睇陵墓……睇壁畫
我知道黃金面罩在博物館，你記得嗎……好多年之前香港藝術館曾經展覽過埃及嘅棺木……我就係被佢棺木上面的人像畫功吸引著……他的眼睛嵌有寶石，眼線長而深，就好像有一對眼睛正望著你……但一點快不恐佈！
我好想再望次……唔知到時開羅博物館會否閉館呢？！
埃及,好玩丫,又可坐"郵輪",一次過坐晒河,陸,空三樣交通工具,而家好似唔使坐火車,咁就少左一種體驗.
回覆刪除[版主回覆11/17/2010 00:10:00]一次過試齊三種交通工具我都想，不過一切要看到時個團點樣再決定！
我覺得埃及好ok喎~我見到金字塔果刻其實幾感動
回覆刪除想像唔到到底點可以咁宏偉~所以應該要去下架
依餐都唔錯喎~泰菜我都鐘意食
[版主回覆11/17/2010 00:13:00]我都係被你嘅埃及之旅所吸引呢！
天熱悶悶地，最好食泰菜，酸酸甜甜、又有點辣，好開胃！
真係唔太楚，我去果日記得係下晝，行到五點左右閉館
回覆刪除[版主回覆11/17/2010 22:55:00]你自由行點同呢！
我希望到時可以見到佢嘅真身！