差不多九時便來到會展中心……
原因是較早前答允了聖雅閣擔當全日義工……
而我今天的職責是負責派發單張、簡單介紹『後顧無憂』的服務、及安排跟參觀者做問卷……
另外還有特別節目，就是老友記只需付出十元，便能替他們攝製一張4R的“善別照”，所以不少老友記早早便來到等候，由義工們安排派籌、化粧、衣飾配搭、攝影、裝嵌相框。
效果之美……不得不佩服這班密密工作的義工呢！得悉老友記們都非常開心及滿意地，拿著經細意打扮後所拍出來的靚相離去，我都替他們高興呢！
到最後，義工們都有機會拍攝一張留念……我當然不錯失這個機會啦！
離開時已是華燈初上，步經中環廣場時，順道欣賞黃貴權的攝影展，以荷為題……配以特別的手法拍攝……感覺新穎，但有些作品則看得頭昏眼花……
觀相之餘……亦找些隨拍景物……
黃昏街頭，霓虹燈正亮……帶著倦怠的身軀，輕鬆的心情回家晚飯！
昨天的新聞報導, 妳有沒有上鏡呀?
回覆刪除倘若我油盡燈枯, 主懷安息, 只要將我的灰塵, 散下大海已經可以啦!
[版主回覆05/16/2010 19:47:00]14號我沒有出席呢！
撒入大海……我贊成，讓我能飄洋過海，環遊世界。
小妹：
回覆刪除我都覺得哩個展覽會活動好有意思，生&死都喺人生大事，應該好好正面安排！妳都好有心幫忙協助！讚妳叻！！
Diy
[版主回覆05/16/2010 19:49:00]反正有空閒時間……
做義工都有幾意義，人口老化，好多老友記都費時麻煩仔女，自己安排日後既事情
回覆刪除[版主回覆05/16/2010 22:42:00]其實……呢個服務係協助單身獨居的、無兒無女的、或仔女在外地不能為老友記處理後事的！
我老左要找妳la ..小妹
回覆刪除[版主回覆05/18/2010 20:41:00]你哋夫妻恩愛，百子千孫……唔需要找我幫手……
不過要是你得閒得滯，想請我飲茶食飯……我都唔拘嘅！
早排睇電視都有介紹呀..原來你都有份幫手~GOOD呢
回覆刪除[版主回覆05/20/2010 22:08:00]幫咗一個星期六咁多咋！